جاڭا تۋعان نارەستەنى پوليسيا قىزمەتكەرلەرى 25 تامىزعا قاراعان ءتۇنى الماتىنىڭ تۇركسىب اۋدانىندا قۇتقارىپ قالدى
قۇتقارىلعان ءسابيدى كورۋگە اۋرۋحاناعا پوليسيا قىزمەتكەرلەرى نۇرجان شاتۋنوۆ پەن عازيز حاماسقالييەۆ بارىپ قايتتى، دەپ حابارلايدى Almaty-akshamy.kz.
دارىگەرلەر ونىڭ جاعدايىن ءبىرقالىپتى اۋىر دەپ وتىر.
«ءبىز ارىپتەستەرىمىزبەن بىرگە ءسابيدى “باتىر” دەپ اتاپ كەتتىك، ونىڭ ءومىرى ءۇشىن ۇزدىك دارىگەرلەردىڭ كۇرەسىپ جاتقاندىعىن بىلەمىز. ولارعا كوپ راقمەت. بالاقاي ءقازىر جانساقتاۋ بولىمىندە جاتىر، وعان قاجەتتى زاتتاردى الىپ كەلدىك. سابيگە زور دەنساۋلىق، ۇزاق عۇمىر تىلەيمىز»، – دەدى تۇركسىب اۋداندىق پوليسيا باسقارماسىنىڭ كامەلەتكە تولماعاندار ىستەرى جونىندەگى ۋچاسكەلىك ينسپەكتورى نۇرجان شاتۋنوۆ.
ەسكە سالايىق، جاڭا تۋعان نارەستەنى پوليسيا قىزمەتكەرلەرى 25 تامىزعا قاراعان ءتۇنى الماتىنىڭ تۇركسىب اۋدانىندا قۇتقارىپ قالدى. 17 جاستاعى كەلىنشەك تۇسىك بولدى دەپ شاعىمدانىپ، سابيىنەن قۇتىلعان.
الايدا ءتارتىپ ساقشىلارى ءسابيدى دارەتحانا شۇڭقىرىنان تاۋىپ الىپ، امان الىپ قالدى.