دەپارتامەنت مالىمەتى بويىنشا، جىل باسىنان بەرى الماتىدا 205 ەسىرتكى قىلمىسى انىقتالدى جانە ەسىرتكى ساتۋعا قاتىستى 35 دەرەكتىڭ جولى كەسىلدى.
جىل باسىنان بەرى الماتى قالاسىنىڭ پوليسەيلەرى ەسىرتكىنىڭ ءىرى پارتياسىن تاركىلەدى، ونىڭ ىشىندە 7 كەلىسى - سينتەتيكالىق ەسىرتكى. بۇل تۋرالى وڭىرلىك كوممۋنيكاسيالار قىزمەتىنىڭ الاڭىندا الماتى قالاسى ءپد-نىڭ ارنايى وكىلى سالتانات ازىربەك مالىمدەدى، دەپ حابارلايدى اlmaty-akshamy.kz.
«وسىلايشا، جالپى سوماسى 187،5 ملن تەڭگەنى قۇرايتىن 30 000 دوزا الەۋەتتى تۇتىنۋشىلارعا جەتپەي قالدى. بۇل رەتتە «سينتەتيكا» شىعاراتىن 3 ەسىرتكى زەرتحاناسى جويىلدى. ەسىرتكى قويماسىن ۇيىمداستىرۋدىڭ 2 دەرەگى جانە قۇرامىندا ەسىرتكىسى بار وسىمدىكتەردى ءوسىرۋدىڭ 1 دەرەگى انىقتالدى»، - دەدى س.ازىربەك.
سونداي-اق، دەپارتامەنتتە سينتەتيكالىق ەسىرتكىنى ونلاين ساتۋ ماسەلەسىنە ەرەكشە نازار اۋدارىپ وتىر.
جىل باسىنان بەرى پوليسەيلەر 27 ەسىرتكى بەتبەلگىسىن قويۋشىنى ۇستادى، ەسىرتكى تاراتاتىن جانە جارنامالاناتىن 73 ينتەرنەت-رەسۋرس انىقتالدى. سوڭعىلارى تۋرالى اقپاراتتى ودان ءارى بۇعاتتاۋ ءۇشىن «كيبەرنادزورعا» جىبەرىلدى.
«ناركوستوپ» قوزعالىسىنىڭ ەرىكتىلەرىنىڭ بەلسەندى قاتىسۋىمەن ەسىرتكىنىڭ تارالۋى تۋرالى اقپاراتتى قامتيتىن 1 مىڭ 500 گراففيتي جازۋى تابىلدى جانە بوياۋ ارقىلى جويىلدى.
«ەسىرتكى قۇرالدارىن، پسيحوتروپتىق زاتتاردى نەمەسە سول تەكتەستەردى، پرەكۋرسورلاردى زاڭسىز جارنامالاعانى ءۇشىن قك-تىڭ 299-بابى 1-1-بولىگىمەن 1 ادام جاۋاپكەرشىلىككە تارتىلدى»، - دەيدى سپيكەر.
الماتىدا جىل باسىنان بەرى 300-گە جۋىق پروفيلاكتيكالىق ءىس-شارا جۇرگىزىلدى. ناركولوگ-دارىگەرلەرمەن بىرلەسە، اقپاراتتىق جۇمىس جۇرگىزۋگە باسا نازار اۋدارىلدى.
وسىعان وراي، پوليسيا دەپارتامەنتى مەن الماتى قالاسىنىڭ ءبىلىم باسقارماسى جالپى ءبىلىم بەرەتىن مەكتەپتەر مەن كوللەدجدەردە تاقىرىپتىق دارىستەر، ترەنينگتەر، سەمينارلار وتكىزۋ مەموراندۋمعا قول قويىلدى.