2021 جىلعى حالىق ساناعى بويىنشا 5 جاستان اسقان حالىقتىڭ 44،9% ەكى ءتىلدى، 28،6% – ءۇش ءتىلدى مەڭگەرگەن.
ساناق قورىتىندىسى بويىنشا تاعى 1،7% 4 تىلدە سويلەيدى، 5 ءتىلدى حالىقتىڭ 0،2% بىلەدى. 6 ءتىلدى بىلەتىن پوليگلوتتاردىڭ ۇلەسى 0،1% نەمەسە 8 845 ادامدى قۇرادى، دەپ حابارلايدى Almaty-akshamy.kz.
قىزىقتى دەرەك، ەرلەرگە قاراعاندا 4-5 ءتىلدى مەڭگەرگەن ايەلدەردىڭ ۇلەسى باسىم، سايكەسىنشە 47،9% جانە 52،1%. ءبىراق 6 جانە ودان دا كوپ ءتىلدى بىلەتىن ەرلەر ۇلەسى، كەرىسىنشە، ايەلدەردىڭ ۇلەسىنەن اسىپ تۇسەدى – 55،6%.
وڭىرلىك بولىنىستە 5 جانە ودان دا كوپ ءتىلدى بىلەتىن پوليگلوتتار الماتى قالاسىندا.
بۇل رەتتە 35،1% نەمەسە 6 042،1 مىڭ ادام اعىلشىن ءتىلىن بىلەدى، ونىڭ 27،6% – ەركىن سويلەيدى.
جاس سەگمەنتىندە اعىلشىن ءتىلىن بىلەتىندەردىڭ ۇلەسى 10-14 جاس جانە 25-29 جاس ارالىعىندا كوپ.
ەستەرىڭىزگە سالا كەتەيىك، بۇعان دەيىن جالپى حالىق سانىنداعى قازاقتاردىڭ ۇلەسى 63،1%-دان 70،4%-عا دەيىن وسكەنىن حابارلاعان بولاتىنبىز.