قازا بولعاندار مەن زارداپ شەككەندەر جوق
بۇگىن تەحنيكالىق سەبەپتەرگە بايلانىستى «استانا-پەتروپاۆل» ۋچاسكەسىندە №105 «الماتى-پەتروپاۆل» پويىزى جونەلتىلمەيدى، دەپ حابارلايدى Almaty-akshamy.kz «جولاۋشىلار تاسىمالى» اق باسپا ءسوز قىزمەتىنە سىلتەمە جاساپ.
2022 جىلدىڭ 21 قىركۇيەگىندە ساعات 04.27-دە «الماتى-پەتروپاۆل» باعىتىنداعى №105 جولاۋشىلار پويىزى «قاراعاندى-استانا» ۋچاسكەسىندە شۇعىل توقتاعان، تەحنيكالىق ۆاگوننىڭ اقاۋىنا بايلانىستى ايالداۋعا ءماجبۇر بولعان.
پويىزداعى ادامداردىڭ سىيىمدىلىعى - 53%. قازا بولعاندار مەن زارداپ شەككەندەر جوق.
«جولاۋشىلار تاسىمالى» اق جول ءجۇرۋ قۇجاتتارىنا سايكەس جولاۋشىلاردى مەجەلى ورىندارىنا جەتكىزۋدى ۇيىمداستىرۋ ماسەلەلەرىمەن اينالىسىپ جاتىر.
«الماتى-2-نۇر-سۇلتان» باعىتىنداعى №3 پويىزعا نۇر-سۇلتان نۇرلى جول ستانسياسىنا دەيىن، ودان ءارى پەتروپاۆل ستانسياسىنا دەيىن جولاۋشىلاردى اۋىستىرىپ وتىرعىزۋ جوسپارلانۋدا.
تەرگەۋ جۇرگىزۋ ءۇشىن «قتج» ۇك» اق كوميسسياسى قۇرىلدى.