قار ارالاس جاڭبىر جاۋىپ، قالىڭ تۇمان ءتۇسىپ، قوكتايعاق بولادى
اۋا رايىنىڭ ناشارلاۋىنا بايلانىستى توتەنشە جاعدايلار دەپارتامەنتى تۇرعىندارعا تاۋعا شىقپاۋعا كەڭەس بەردى، دەپ حابارلايدى Almaty-akshamy.kz.
الماتى قالالىق توتەنشە جاعدايلار دەپارتامەنتى تاراتقان مالىمەتكە قاراعاندا، 25-27 اقپان ارالىعىندا تاۋلى ايماقتاردا قار ارالاس جاڭبىر جاۋىپ، قالىڭ تۇمان ءتۇسىپ، قوكتايعاق بولادى.
سونداي-اق تەمپەراتۋرالىق فوننىڭ جوعارىلاۋىنا بايلانىستى قار جىلدام ەرىپ، مۇز السىرەيدى جانە وزەندەردە سۋ دەڭگەيى كوتەرىلىپ، تاسقىن بولۋى مۇمكىن.
«جىلىمىقتىڭ اياسىندا جاۋىن-شاشىننىڭ تۇسۋىنە جانە قار جامىلعىسىنىڭ تۇراقسىزدىعى مەن قالىڭدىعىنا بايلانىستى ۇلكەن جانە كىشى الماتى سۋ الاپتارىندا 24-25 اقپاندا قار كوشكىنى ءقاۋپى ساقتالادى. كوشكىن ءجۇرۋ قاۋپىنە بايلانىستى قارلى تىك جارتاستارعا شىعۋعا بولمايدى. تاۋدا اباي بولىڭىزدار»، - دەلىنگەن ۆەدومستۆونىڭ حابارلاماسىندا.