الماتى وزەندەرىندە سەڭ ءجۇرۋى مۇمكىن

الماتىدا قابىرشاق مۇزدىڭ ءجۇرۋى ءقاۋپى ساقتالادى.

قالالىق تجد مالىمەتىنشە، الماتىدا اۋا رايىنىڭ وزگەرۋىنە بايلانىستى وزەندەردە سەڭ ءجۇرۋى مۇمكىن (وزەن، سۋ ارنالارى بەتىندەگى مۇزدىڭ كوتەرىلىپ ءجۇرۋى، زاجور جانە ت.ب.).

بۇل قۇبىلىس ۇزاق اياز جانە اۋا رايىنىڭ بىردەن جىلۋىنا بايلانىستى سەڭنىڭ، قابىرشاق مۇزدىڭ جۇرۋىنە اكەلۋى مۇمكىن (مۇزدى سەل)، دەپ حابارلايدى Almaty-akshamy.kz قازاقپاراتقا سىلتەمە جاساپ. 

وسىعان وراي «قازسەلدەنقورعاۋ» مم جانە الماتى قالالىق تجد ماماندارى ەسكەرتۋ جاسادى.

«تاياۋ كۇندەرى قابىرشاق مۇزدىڭ ءجۇرۋ ءقاۋپى ساقتالادى. الماتى قالاسىنىڭ تۇرعىندارى مەن قوناقتارىنا (قارعالى، اقساي، ۇلكەن جانە كىشى الماتى ) وزەندەرىنىڭ سۋ ارنالارىنىڭ جانىندا سەرۋەندەپ جۇرمەۋ قاجەت. بالالاردى قاراۋسىز قالدىرماڭىز، وزەن ارناسىنىڭ جايىلماسىندا، جاقىن جەردە اۆتوكولىكتەردى قويماڭىز»،- دەپ ەسكەرتتى ۆەدومستۆو وكىلدەرى.

ەسكە سالايىق، وتكەن جىلدىڭ جەلتوقسان ايىندا الماتىدا اۋا تەمپەراتۋراسىنىڭ اۋىتقۋىنا بايلانىستى مۇز كوشىپ، ەسەنتاي وزەنىنىڭ جاعالاۋىنداعى قورشاۋدى بۇزىپ كەتكەن بولاتىن.