كروسسوۆەردىڭ جۇرگىزۋشىسى جۇك كولىگىن باسىپ وزۋعا ارەكەتتەنگەن.
جەتىسۋ وبلىسىندا جول اپاتىنان ءبىر ادام قازا تاۋىپ، ەكى ادام جاراقاتتاندى، دەپ حابارلايدى اlmaty-akshamy.kz.
Polisia.kz تاراتقان مالەمەتكە سايكەس، 7 مامىر كۇنى جەتىسۋ وبلىسىنىڭ اقسۋ اۋدانىندا Hyundai Tucson جانە گاز-53 اۆتوكولىكتەرى جول اپاتىنا ۇشىراعان.
الماتى-وسكەمەن تاسجولىنىڭ 360-شاقىرىمىندا كروسسوۆەردىڭ جۇرگىزۋشىسى جۇك كولىگىن باسىپ وزۋعا ارەكەتتەنىپ، ونىمەن جاناما سوقتىعىسىپ، سالدارىنان جول جيەگىنە شىعىپ كەتىپ، اۋدارىلدى.
54 جاستاعى ايەل وقيعا ورنىندا كوز جۇمدى.
Hyundai جۇرگىزۋشىسى مەن تاعى ءبىر جولاۋشى ءتۇرلى جاراقاتپەن جاقىن جەردەگى اۋرۋحاناعا جەتكىزىلدى.
جول-كولىك وقيعاسى بويىنشا قاجەتتى ساراپتاما تاعايىندالىپ، سوتقا دەيىنگى تەرگەۋ امالدارى باستالدى.