الماتى وبلىسىندا 51 جاستاعى ۆەلوسيپەدشىنى كولىك قاعىپ، مەرت قىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«2 تامىز كۇنى تۇنگى ساعات 22:50-دە ۆەلوسيپەد مىنگەن ادامدى كولىك قاعىپ، مەرت قىلدى. وقيعا الماتى-وسكەمەن تاسجولىنىڭ 19-شى شاقىرىمىندا بولعان. "مازدا" كولىگىنىڭ 49 جاستاعى جۇرگىزۋشىسى بەلگىلەنبەگەن جەردەن ۆەلوسيپەدپەن ءوتىپ بارا جاتقان ادامدى قاعىپ كەتكەن. ءقازىر اتالعان فاكتى ق ر قىلمىستىق كودەكسىنىڭ 345-بابى بويىنشا تەرگەلىپ جاتىر. قاجەتتى ساراپتامالار تاعايىندالدى»،- دەلىنگەن الماتى وبلىستىق پوليسيا دەپارتامەنتى باسپا ءسوز قىزمەتىنىڭ حابارلاماسىندا.
ۆەدومستۆونىڭ اقپاراتىنا سايكەس، كوز جۇمعان ازامات ىلە اۋدانىنىڭ تۇرعىنى بولعان.