الماتى وبلىسى قاراساي اۋدانىندا اۋىل تۇرعىنىنان ەكى جارىق-شۋلى گراناتا تاركىلەندى
جەدەل ىزدەستىرۋ ءىس-شارالارىن جۇرگىزۋ بارىسىندا قاراساي اۋداندىق پب كريمينالدىق پوليسيا ءبولiءمىنىڭ قىزمەتكەرلەرى اباي كەنتىنىڭ تۇرعىندارىنىڭ ءبىرى گراناتانى ساقتاعانى تۋرالى جەدەل اقپارات الدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
تەكسەرۋ بارىسىندا پوليسيا قىزمەتكەرلەرى اقپاراتتى راستادى. كۇدىكتى، 26 جاستاعى جەرگىلىكتى تۇرعىن، گراناتا ساقتاعانىن مويىندادى جانە كورشى اۋلادا ەكى جارىق-شۋلى گراناتانى جاسىرعان جەرىن كورسەتتى. ەر ادامنىڭ ايتۋىنشا، الماتى قالاسىنداعى تارتىپسىزدىك كەزىندە “پوليسەيلەرگە لاقتىر” دەپ بەيتانىس ادام بەرىپ كەتكەن. ول گراناتالاردى ۇيىنە الىپ كەلىپ، جاسىرعان.
اتالعان فاكت ق ر قك-نىڭ 287-بابى 3-بولىگى بويىنشا “اتىس قارۋىن، وق-دارىلەردى، جارىلعىش زاتتاردى نەمەسە جارىلعىش قۇرىلعىلاردى زاڭسىز ساتىپ الۋ، بەرۋ، وتكىزۋ، ساقتاۋ، تاسىمالداۋ نەمەسە الىپ ءجۇرۋ” سدتبت-نە تىركەلدى. بالليستيكالىق ساراپتاما تاعايىندالدى.