الماتى وبلىسىنىڭ پوليسەيلەرى بوپسالاۋشىلار توبىن اشكەرەلەدى

توپتا 21-46 جاس ارالىعىنداعى جەتى ادام بولعان.

الماتى وبلىسىنىڭ پد ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى ۆەدومستۆونىڭ ارنايى جاساعىمەن بىرلەسىپ، الماتى جانە جەتىسۋ وبلىستارىنىڭ، سونداي-اق الماتى قالاسىنىڭ اۋماعىندا بوپسالاۋشىلار توبىن ۇستادى، دەپ حابارلايدى Almaty-akshamy.kz Polisia.kz-كە سىلتەمە جاساپ. 

«بۇل فاكت پوليسيادا ق ر قك-نىڭ 194-بابى 2-بولىگىنىڭ 2-تارماعى (بوپسالاۋ) بويىنشا تىركەلگەن. ايتا كەتەيىك، اعىمداعى جىلدىڭ 11 ناۋرىزىندا قاسكەلەڭ قالاسىنداعى قويمالاردىڭ ءبىرىنىڭ اۋماعىندا جوعارىدا اتالعان توپتىڭ قاتىسۋشىلارى شەتەلدىك ازاماتقا قاتىستى كۇش قولدانىپ، قوقان-لوققى جاساۋ ارقىلى ءىرى كولەمدە اقشا بوپسالاعان»، – دەدى الماتى وبلىسى پد ۇيىمداسقان قىلمىسقا قارسى كۇرەس باسقارماسىنىڭ باستىعى دۋلات قايىر.

ۇستالعاندار قاماۋعا الىندى.

«قازىرگى ۋاقىتتا كۇدىكتىلەردىڭ باسقا دا وسىعان ۇقساس قىلمىستارعا قاتىسى بار-جوعىن تەكسەرۋمەن بارلىق قاجەتتى تەرگەۋ ارەكەتتەرى جۇرگىزىلۋدە. وسى جۇمىستاردىڭ ناتيجەلەرى بويىنشا ءىس ماتەريالدارى تۇپكىلىكتى شەشىم قابىلداۋ ءۇشىن سوتقا جىبەرىلەتىن بولادى»، – دەدى دۋلات قايىر.