مەملەكەتكە كەلتىرىلگەن زالال ءۇشىن ايىپپۇل سالىندى.
الماتى وبلىسىندا زاڭسىز اڭ اۋلاعاندار انىقتالدى، – دەپ حابارلايدى Almaty-akshamy.kz Polisia.kz-كە سىلتەمە جاساپ.
بالقاش اۋدانىنىڭ اۋماعىندا «براكونەر» جەدەل الدىن الۋ ءىس-شاراسىن وتكىزۋ بارىسىندا ءتارتىپ ساقشىلارى زاڭسىز اۋلانعان بالىق، جابايى ۇيرەك، قويان جانە قاسقالداق تيەلگەن ءۇش اۆتوكولىكتى ۇستادى. كۇدىكتىلەردى ۇستاۋ باقاناس-قاروي اۆتوجولىن پاترۋلدەۋ كەزىندە جۇرگىزىلدى. قۇقىق قورعاۋ ورگاندارى توقتاتقان Mercedes، Nissan جانە Mazda كولىگىنىڭ سالونىنان ءبىر قاپ ءتۇرلى بالىق، جابايى ۇيرەك، قويان جانە قاسقالداق تابىلدى. ولاردى اۋلاۋعا جانە تاسىمالداۋعا ۇستالعاندار قانداي دا ءبىر رۇقسات قۇجاتتارىن ۇسىنا المادى. سونداي-اق وق-دارىلەرى بار 3 اڭشى مىلتىعى تاركىلەندى. دەرەك بالحاش اۋدانىنىڭ پوليسيا بولىمىندە تىركەلىپ، ول بويىنشا ق ر قك 337-بابىنىڭ 1-بولىمىندە كوزدەلگەن سوتقا دەيىنگى تەرگەۋ امالدارى باستالدى.