ءتىنتۋ كەزىندە پايدالانۋعا دايىن 130 كگ استام ەسىرتكى تاركىلەندى.
ءىىو قىزمەتكەرلەرى الماتى وبلىسىنداعى ءۇش جاسىرىن ەسىرتكى زەرتحاناسىن جويدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
ونىڭ ەكەۋى فيتولابوراتوريا بولىپ شىقتى.
«ءتىنتۋ شارالارى بارىسىندا پايدالانۋعا دايىن 130 كگ استام ەسىرتكى تاركىلەندى. ەسىرتكى زەرتحاناسىن ۇيىمداستىرعانى ءۇشىن ءتورت ادام ۇستالدى، ونىڭ ەكەۋى تاياۋ شەتەل ازاماتتارى. اتالعان قىلمىستاردى جاساعانى ءۇشىن مۇلكى تاركىلەنىپ، 10 جىلدان 15 جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازا كوزدەلگەن»، – دەدى ق ر ءىىم ەسىرتكى قىلمىسىنا قارسى ءىس-قيمىل دەپارتامەنتى باستىعىنىڭ ورىنباسارى باقىتجان ءامىرحانوۆ.
جالپى جىل باسىنان بەرى 4 ەسىرتكى زەرتحاناسى جويىلدى، 400-دەن استام ەسىرتكى قۇقىق بۇزۋشىلىعى انىقتالدى، ولاردى جاساعانى ءۇشىن 160 ادام ۇستالدى، ونىڭ 10-ى شەتەلدىك.