سۋ اۆتوجولعا جايىلعان.
قىتايمەن شەكارالاس ۇيعىر اۋدانىندا نوسەر جاڭبىر سالدارىنان ءۇش دەمالىس ورنىنىڭ اۋماعىن سۋ باسىپ قالدى، دەپ حابارلايدى Almaty-akshamy.kz.
توتەنشە جاعدايلار دەپارتامەنتىنىڭ مالىمەتىنشە، 13 شىلدەدە الماتى وبلىسىنىڭ ۇيعىر اۋدانىنداعى «شونجى-قالجات» اۆتوجولىنىڭ 55 شاقىرىمىندا نوسەر جاۋىن سالدارىنان كەشكى ساعات 18.00 شاماسىندا 5-10 سم بەتكەيلىك اعىن پايدا بولعان. سۋ اۆتوجولعا جايىلىپ، ءۇش دەمالىس ورنىنىڭ اۋماعىن باسىپ قالعان.
«جاۋىن-شاشىن توقتادى، سۋ دەڭگەيى تومەندەدى، سۋ ترانزيتتىك رەجيمدە ءوتىپ جاتىر. وقيعا ورنىندا وبلىستىق توتەنشە جاعدايلار دەپارتامەنتى مەن جەرگىلىكتى اتقارۋشى ورگانداردىڭ قىزمەتكەرلەرى ءجۇر»،- دەلىنگەن الماتى وبلىستىق توتەنشە جاعدايلار دەپارتامەنتىنىڭ باسپا ءسوز قىزمەتىنىڭ حابارلاماسىندا.