جول قوزعالىسىنا شەكتەۋلەر جوق.
21 ناۋرىز كۇنى ساعات 21:00 شاماسىندا كۇننىڭ جىلىنۋى مەن قاردىڭ تەز ەرۋ سالدارىنان كەگەن-نارىنكول تاس جولىنىڭ 60 كم (40 م) جانە 72 كم (40 م) (قاينار جانە تەكەس اۋىلى، رايىمبەك اۋدانى، IV سانات) جول بولىگىندە سۋ تاسقىنى ورىن الدى، دەپ حابارلايدى اlmaty-akshamy.kz “قازاۆتوجول” ۇك باسپا ءسوز قىزمەتىنە سىلتەمە جاساپ.
اقپاراتقا سايكەس، جالپى سۋ اعىنىنىڭ ۇزىندىعى 80 م، ال بيىكتىگى 10 سم قۇرادى.
“كورسەتىلگەن ۋچاسكەگە ديامەترى 1 م بولاتىن سۋ وتكىزگىش قۇبىر ورناتىلدى. جاعدايدى قالىپقا كەلتىرۋ ءۇشىن 10 قىزمەتكەر مەن 4 تەحنيكا جۇمىلدىرىلدى. قازىرگى تاڭدا ەرىگەن سۋدى اعىزۋ، ۋاقىتشا جول بەلگىلەرىن ورناتۋ جانە جول بولىگىن تازالاۋ جۇمىستارى جۇرگىزىلىپ جاتىر. جول تاۋلىك بويى باقىلاۋعا الىندى. جول قوزعالىسىنا شەكتەۋلەر جوق”، - دەلىنگەن كومپانيا تاراتقان حابارلامادا.