كەشە كەشكە ساعات 23.13-تە الماتى وبلىسىنداعى سۋ قويمادان اقاۋ شىقتى
توتەنشە جاعدايلار مينيسترلىگىنىڭ رەسمي وكىلى تالعات ءۋاليدىڭ مالىمدەۋىنشە، الماتى وبلىسى جامبىل اۋدانى مىڭبايەۆ اۋىلىنىڭ ماڭىندا كنيجيەۆسكوگو سۋ قويماسىندا جىرىق پايدا بولعان، دەپ حابارلايدى Almaty-akshamy.kz.
سۋ قويماسىنىڭ كولەمى – 4،47 ملن تەكشە مەتر، قازىرگى ۋاقىتتا 50% تولعان.
سۋ قارعالى وزەنىنىڭ ارناسىمەن اعىپ، ودان ءارى ىلە اۋدانىنىڭ كۇرتى سۋ قويماسىنا قۇيادى.
«اپات سالدارىنان قازا بولعاندار مەن زارداپ شەككەندەر جوق. وبلىستىق ماڭىزى بار «مىڭبايەۆ – قاسىمبەك» اۆتوجولىن سۋ باسقان. پوليسيا جول قوزعالىسىن شەكتەۋ ءۇشىن بەكەتتەر قويدى»،-دەلىنگەن حابارلامادا.
اققان سۋدىڭ كولەمى ازايۋدا. قارعالى وزەنىنىڭ ارناسى باقىلاۋدا، قازىرگى ۋاقىتتا ەلدى مەكەندەردى سۋ باسۋ ءقاۋپى جوق. وقيعا ورنىندا تجد ماماندارى جۇمىس ىستەپ جاتىر.