قازاقستاندا ستەند اتۋ بويىنشا رەيتينگتىك ليسەنزيالىق الەم كۋبوگى ءوتىپ جاتىر
ۇيىمداستىرۋشىلار قاتارىندا قازاقستان رەسپۋبليكاسى مادەنيەت جانە سپورت مينيسترلىگى، "Sport Qory" قولداۋ قورى، ق ر سپورتتى دامىتۋ ديرەكسياسى، الماتى قالاسى جانە الماتى وبلىسى اكىمدىكتەرى، الماتى وبلىسىنىڭ دەنە شىنىقتىرۋ جانە سپورت باسقارماسى، قازاقستاندىق سپورتتىق اتۋ فەدەراسياسى بار، دەپ حابارلايدى Almaty-akshamy.kz.
شارانىڭ سالتاناتتى اشىلۋىنا قاتىسقان الماتى وبلىسىنىڭ اكىمى مارات سۇلتانعازييەۆ وتكىزىلىپ وتىرعان جارىستىڭ بولاشاقتا جوعارى دارەجەلى سپورتشىلاردى دايىنداپ تاربيەلەۋگە ۇلكەن سەپتىگىن تيگىزەتىنىنە سەنىم ءبىلدىرىپ، شارانىڭ ماڭىزدىلىعىنا توقتالدى.
«وسى جارىستىڭ الماتى وبلىسىندا ءوتۋى - ءبىز ءۇشىن ۇلكەن مارتەبە. بۇل كۋبوكقا الەمنىڭ 42 ەلىنەن 300 سپورتشى قاتىسۋدا. بۇگىندە وبلىس سپورتشىلارى جۇلدەلى ورىندى يەلەنۋدە، مىسالى، ايەلدەر اراسىندا ورىنباي اسەم ءىىى ورىندى، ەرلەر اراسىندا ەششەنكو ەدۋارد ءىىى ورىندى، جاستار اراسىندا نۇرلانوۆا انيتا ءى ورىندى يەلەنگەن. وسىنداي ءىس-شارانى ۇيىمداستىرعان قازاقستان رەسپۋبليكاسى اتىس سپورتى فەدەراسياسىنا، ازيا وق اتۋ سپورتى كونفەدەراسياسىنىڭ پرەزيدەنتى شەيح سالمان ال-ساباحقا، حالىقارالىق وق اتۋ سپورتى فەدەراسياسىنىڭ پرەزيدەنتى لۋچانو روسسينگە العىسىمدى بىلدىرەمىن، سونداي-اق كورسەتكەن قولداۋى ءۇشىن اسىلوۆ بەرىك نوعايۇلىنا ەرەكشە العىس ءبىلدىرسىن. بۇل سايىس ناعىز جەڭىمپازدى انىقتاسىن»، - دەدى ءوڭىر باسشىسى ءوز وزىندە.
سونداي-اق، شارادا ءوڭىر باسشىسى الماتى وبلىسىنىڭ سپورتشىلارى پاتەر كىلتتەرىن تابىستالدى.
ستەند اتۋدان قازاقستان رەسپۋبليكاسىنىڭ حالىقارالىق دارەجەدەگى سپورت شەبەرلەرى ورىنباي اسەم مارات قىزى مەن ەششەنكو ەدۋارد اندرەيەۆيچقا «Gate City» ءتۇرعىن-ۇي كەشەنىنەن 2 بولمەلى پاتەر تابىستالدى.
اشىلۋ سالتاناتىندا ستەند اتۋدان حالىقارالىق فەدەراسيانىڭ (ISSF) پرەزيدەنتى لۋچيانو روسسي بارشا جۇرتتى سالتاناتتى اشىلۋ راسىمىمەن قۇتتىقتاپ، جاتتىقتىرۋشىلارعا، سپورتشىلارعا، شارانى ۇيىمداستىرۋشىلارعا العىسىن ءبىلدىردى.
"قازاقستان ماڭگىلىك جۇرەگىمدە قالادى. ءتۇرلى ەلدەردىڭ فەدەراسيالارىنا العىسىمدى بىلدىرەمىن. بۇل دودا دوستىقتى دا نىعايتادى"، - دەدى لۋچيانو روسسي.
شارا 20-29 مامىر ارالىعىندا الماتى وبلىسىنداعى الەكساندر اسانوۆ اتىنداعى اتۋ كلۋبىندا ۇيىمداستىرىلادى.
ستەند اتۋ بويىنشا الەم كۋبوگىنا قاتىسۋشىلاردىڭ اتالمىش جارىستا سپورتتىق رەيتينگتى ISSF كەستەسى بويىنشا كوتەرۋگە جانە فرانسياداعى 2024 جىلعى XXXIII جازعى وليمپيادا ويىندارىنا جولداما الۋعا مۇمكىندىگى بار.
ەستەرىڭىزگە سالايىق، الەكساندر اسانوۆ اتىنداعى كلۋب تاريحىندا بەدەلدى سايىستار از ەمەس. مىسالى، 2009، 2013، 2015، 2019 جىلدارداعى ازيا چەمپيوناتتارى، 2014 جانە 2021 جىلدارى الەم كۋبوگىنىڭ (ISSF) كەزەڭى، 2022 جىلى X ازيا چەمپيوناتى جانە ISSF گران-پريى وسى عيماراتتا وتكەن.