الماتى وبلىسىندا ۋنيۆەرسيتەت جانىنان سمارت جىلىجاي اشىلدى
ول يننوۆاسيالىق كورەي تەحنولوگيالارىنا نەگىزدەلگەن. جىلىجاي تولىعىمەن اۆتوماتتاندىرىلعان، ياعني جۇيە ارقىلى جەلدەتكىشتەردى قوسىپ، وسىمدىكتەردى سۋارىپ، توپىراققا قورەك زاتتار قوسادى، دەپ حابارلايدى Almaty-akshamy.kz
قاراپايىم جىلىجايدان جىلىنا 300 تونناعا دەيىن ءونىم الىنسا، بۇل جەردەن الىناتىن ءونىم 450 تونناعا دەيىن جەتەدى. مۇندا ستۋدەنتتەر، ماگيسترلەر، PhD دوكتورلارى تەوريالىق بىلىمدەرىن تاجىريبەمەن ۇشتاستىرادى. جەكە شارۋا قوجالىق يەلەرىنە دە ارنايى وقىتۋ جۇمىستارى جۇرگىزىلمەك.
«بۇگىندە قازاقستاندا قازىرگى زامانعى تەحنولوگيالاردى پايدالانا وتىرىپ جىلىجايلار سالۋ قارقىن الۋدا. شىندىعىندا اگروونەركاسىپتىك كەشەنگە ستۋدەنتتەر، وسى تەحنولوگيالاردى قولدانۋدا تىكەلەي پراكتيكالىق تاجىريبەسى بار ماماندار قاجەت. سوندىقتان بۇل – قازاقستاننىڭ جوو ءۇشىن قاجەت مامانداردى دايارلاۋعا وتە جاقسى مۇمكىندىك»، - ق ر اۋىل شارۋاشىلىعى ءمينيسترى ەربول قاراشوكەيەۆ.
«جىلىجاي – قازاقستاندىق عىلىم ءۇشىن دە، اۋىل شارۋاشىلىعى ءۇشىن دە ۇلكەن مۇمكىندىك. بۇل جىلىجاي ارقىلى ەكى ەلدىڭ قارىم-قاتىناسى جاقسارا تۇسەدى دەپ ويلايمىز. قازاقستان بولاشاقتا ءوز اۋىلشارۋاشىلىق ونىمدەرىن ەكسپورتتاي الاتىن بولادى. سونداي-اق تالانتتى، جاڭا تەحنولوگيانى مەڭگەرگەن مامانداردى تاربيەلەۋ ءۇشىن مول مۇمكىندىك بەرەدى»، - كورەيا اۋىل شارۋاشىلىعى ساياساتى دەپارتامەنتىنىڭ ديرەكتورى كيم دجون كۋ.
يننوۆاسيالىق جىلىجاي سالۋ وسىدان ەكى جىل بۇرىن قازاقستان-وڭتۇستىك كورەيا بيزنەس-فورۋمىندا شەشىلگەن بولاتىن. سول كەزدە ەكى مەملەكەت باسشىلارى اۋىل شارۋاشىلىعىنداعى جاڭا تەحنولوگيالار سالاسىنداعى ىنتىماقتاستىق تۋرالى ۋاعدالاسقان ەدى.