2021 جىلدىڭ 29 قازانىندا اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ تاريح جانە قۇقىق ينستيتۋتى قۇقىقتانۋ كافەدراسى مەن ساربوننا-قازاقستان ينستيتۋتىنىڭ ۇيىمداستىرۋمەن، قازاقستان رەسپۋبليكاسىنىڭ قارجىلىق مونيتورينگ اگەنتتىگىنىڭ الماتى قالاسى بويىنشا ەكونوميكالىق تەرگەۋ دەپارتامەنتى وكىلدەرىمەن ءبىتىرۋشى كۋرس ستۋدەنتتەرى اراسىندا كەزدەسۋ وتكىزىلدى دەپ حابارلايدى almaty-akshamy.kz
كەزدەسۋدى اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ عىلىمي زەرتتەۋ قىزمەتى جونىندەگى پرورەكتورى ەرمەك بورىبايەۆ اشىپ، ارنايى شاقىرىلعان قوناقتارمەن تانىستىردى.
الماتى قالاسى بويىنشا ەكونوميكالىق تەرگەۋ دەپارتامەنتىنىڭ باسشىسى قايرات اليبايەۆ، تەرگەۋ ءبولىمىنىڭ باستىعى اباي نيگماتۋللين، كادر ءبولىمىنىڭ باسشىسى سەريكجان بۋريبايەۆ ءسوز الىپ، «قۇقىقتانۋ» جانە «ەكونوميكا» ماماندىعىنىڭ ستۋدەنتتەرىن، ماگيسترانت، دوكتورانتتارىن ەكونوميكالىق تەرگەۋ دەپارتامەنتىنىڭ جۇمىسىمەن جانە ولارعا قويىلاتىن تالاپتارمەن تانىستىرىپ، قىزمەتتىڭ قىزىعى مەن قيىندىعى قاتار جۇرەتىندىگىن اتاپ ءوتتى.
كەزدەسۋدە تاريح جانە قۇقىق ينستيتۋتى «قۇقىقتانۋ» كافەدراسىنىڭ مەڭگەرۋشىسى ب.كوشپەنبەتوۆ ءسوز الىپ، ستۋدەنتتەردىڭ قۇقىق قورعاۋ ورگاندارىندا قىزمەت ەتۋگە دەگەن بەلسەندىلىگىنىڭ جوعارى ەكەنىن ايتتى.
كەزدەسۋ ناتيجەسىندە اباي اتىنداعى قازاق ۇلتتىق پەداگوگيكالىق ۋنيۆەرسيتەتى مەن قازاقستان رەسپۋبليكاسىنىڭ قارجىلىق مونيتورينگ اگەنتتىگىنىڭ الماتى قالاسى بويىنشا ەكونوميكالىق تەرگەۋ دەپارتامەنتى اراسىندا ءبىلىم مەن عىلىمدى دامىتۋ مەن ستۋدەنتتەردىڭ تاجىريبەدەن ءوتۋ مۇمكىندىگىن ارتتىرۋ ماقساتىندا ىنتىماقتاستىق مەموراندۋمىنا قول قويىلدى.