ول شەكاراشىلارعا قارۋلى قارسىلىق كورسەتكەن.
كەگەن اۋدانىنىڭ شەكاراشىلارى مەملەكەتتىك شەكارانى زاڭسىز كەسىپ وتكەن شەتەلدىك ازاماتتى ۇستادى، دەپ حابارلايدى Almaty-akshamy.kz ۇلتتىق قاۋىپسىزدىك كوميتەتى شەكارا قىزمەتىنىڭ باسپا ءسوز قىزمەتىنە سىلتەمە جاساپ.
ۇلتتىق قاۋىپسىزدىك كوميتەتىنىڭ باسپا ءسوز قىزمەتىنىڭ مالىمەتىنشە، وقيعا 24 تامىز كۇنى كەشكە ىلە الاتاۋى جوتاسىنىڭ تاۋ شاتقالدارىنىڭ بىرىندە بولعان.
ايتا كەتەتىنى، اتالعان اۋدان قىتايمەن شەكتەسەدى.
«ءتارتىپ بۇزۋشى شەكاراشىنىڭ ايقايلاپ ايتقان توقتاۋ جانە قۇجاتتاردى كورسەتۋ تۋرالى تالابىن ەستىپ، اڭشى مىلتىعىنان اسكەريلەرگە وق جاۋدىرىپ، قارسىلىق كورسەتىپ، ءىزىن جاسىرۋعا تىرىسقان»، – دەپ جازىلعان حابارلامادا.
ۇستالعان ازاماتقا قاتىستى قىلمىستىق ءىس قوزعالدى.
«شەكاراشىلاردىڭ ءومىرى مەن دەنساۋلىعىنا ەشقانداي زيان كەلگەن جوق، ولار شەكارانىڭ تاۋلى ۋچاسكەسىندە قىزمەتىن جالعاستىردى. ۇستاۋ كەزىندە كورسەتكەن باتىلدىقتارى پەن تاباندىلىقتارىن ەسكەرە وتىرىپ، اسكەري قىزمەتشىلەردى كوتەرمەلەۋ ماسەلەسى شەشىلۋدە»، - دەپ جازىلعان حابارلامادا.