الماتى وبلىسىندا قىزمەتتىك بورىشىن اتقارۋ كەزىندە قازا تاپقان قىزمەتكەرلەرگە ەسكەرتكىش ورناتىلدى

ەسكەرتكىش قازاقستان پوليسياسىنا 30 جىل تولۋ مەرەكەسىنە وراي ورناتىلعان.

الماتى وبلىسى بويىنشا قاج دەپارتامەنتىنە قاراستى لا-155/12 مەكەمەسى اۋماعىندا قىزمەتتىك بورىشىن اتقارۋ كەزىندە قازا تاپقان قىزمەتكەرلەرگە ەسكەرتكىش ورناتىلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.

قازاقستان پوليسياسىنا 30 جىل مەرەكەسى قارسانىڭدا الماتى وبلىسى بويىنشا قاج دەپارتامەنتىنە قاراستى لا-155/12 مەكەمەسىندە قىزمەتتىك بورىشىن اتقارۋ كەزىندە قازا تاپقان قىزمەتكەرلەرگە ارنالعان ەسكەرتكىشتىڭ اشىلۋى سالتاناتتى تۇردە ءوتتى.

ءىس-شاراعا ءىىم قاجك ارداگەرلەر كەڭەسىنىڭ ءتوراعاسى يحسات ديۋسەمبين، الماتى قالاسىنىڭ قاج ارداگەرلەر كەنەسىنىڭ ءتوراعاسى ەرعالي ساعالبايەۆ، الماتى وبلىسى بويىنشا قاج ارداگەرلەرى، مامانداندىرىلعان پروكۋراتۋرا جانە ۇلتتىق ۇلان وكىلدەرى، ادىلەت دەپارتامەنتىنىڭ جانە توتەنشە جاعدايلار دەپارتامەنتىنىڭ باسشىلىعى، الماتى وبلىسىندا قىزمەتتە قازا تاپقان قاج قىزمەتكەرلەرىنىڭ جاقىندارى شاقىرىلدى.

سونىمەن قاتار قاج دەپارتامەنتىنىڭ جانە وعان باعىنىستى مەكەمە باسشىلىعىمەن جەكە قۇرامى قاتىستى.

مەرەكەلىك شارا ق ر مەملەكەتتىك انۇرانمەن باستالىپ، ەسكەرتكىشكە گۇل شوقتارىن قويۋ ءراسىمى وتكىزىلدى. قىزمەتتىك بورىشىن اتقارۋ كەزىندە قازا بولعان قىزمەتكەرلەردى ءبىر مينۋت ۇنسىزدىكپەن ەسكە الدى.

سالتاناتتى ءىس-شارانى وتكىزۋ بارىسىندا وزات قىزمەتكەرلەر ىشكى ىستەر ءمينيسترىنىڭ، قاج كوميتەتىنىڭ ءتوراعاسىنىڭ جانە قاجد باستىعىنىڭ مەدالدارىمەن، توسبەلگىلەرىمەن جانە گراموتالارىمەن ماراپاتتالدى. مەرەكەلىك شارا كونسەرتتىك باعدارلامامەن جالعاستى.