الماتى وبلىسىنىڭ پوليسەيلەرى قىزمەت بابىندا قازا تاپقان ارىپتەستەرىن ەسكە الدى.
الماتى وبلىسىنىڭ ىلە اۋدانىندا قىزمەتتىك مىندەتىن اتقارۋ كەزىندە قازا تاپقان قىزمەتكەرگە ارنالعان ەستەلىك تاقتاسىنىڭ سالتاناتتى اشىلۋى ءوتتى، دەپ حابارلايدى Almaty-akshamy.kz Polisia.kz
«2000 جىلى ميليسيا سەرجانتى ماناس ءجۇمادىلوۆ قىزمەت بابىندا ەرلىكپەن قازا تاپتى. كۇندەلىكتى كەزەكشىلىك كەزىندە وعان بورولداي اۋىلىنداعى جەكە سەكتورلاردىڭ بىرىندە قىلمىسكەردىڭ تۇرعانى تۋرالى حابارلاما تۇسكەن. وقيعا ورنىنا بارعان ول بۇرىن سوتتالعان پاتەر توناۋشىنى ءوز بەتىنشە ۇستاۋ ارەكەتىن جاساعان. الايدا قىلمىسكەردىڭ قولىنداعى پىشاقتى بايقاماي، ونىڭ قۇربانى بولدى. اۋىر جاراقات العانىنا قاراماستان، ماناس قىلمىسكەردى ارىپتەستەرى وقيعا ورنىنا جەتكەنشە سوڭىنا دەيىن ۇستادى. وكىنىشكە وراي، العان جاراقاتى سالدارىنان مەرت بولدى»، – دەيدى وبلىستىق تاربيە جانە كادر جۇمىسى باسقارماسىنىڭ باسشىسى ابىلاي نۇرىموۆ.
مەموريالدىق تاقتا كادەت سىنىپ وقۋشىلارى وقيتىن وتەگەن باتىر اۋىلىندا ورنالاسقان №7 ورتا مەكتەپتە سالتاناتتى تۇردە اشىلدى.
«ماناس 27 جاسىندا ەرلىكپەن قازا تاپتى. ول قايتىس بولعاننان كەيىن ءىىى دارەجەلى “ايبىن” وردەنىمەن ماراپاتتالدى. ميليسيا سەرجانتى ءجۇمادىلوۆتىڭ ەرلىگى وسكەلەڭ ۇرپاققا ۇلگى، ويتكەنى ومىردەگى انت پەن تاڭداعان جولعا ادالدىق ۇلكەن قۇرمەت سەزىمىن تۋدىرادى»، – دەپ قوستى ا.نۇرىموۆ.
قازاقستان رەسپۋبليكاسى تاۋەلسىزدىك العان جىلدارى قىزمەتتىك مىندەتتەرىن ورىنداۋ كەزىندە 818 قىزمەتكەر قازا تاۋىپ، 4634ء-ى جاراقات الدى. ولاردىڭ كوپشىلىگى ەلگە ابىرويمەن قىزمەت ەتىپ، ازاماتتاردى قىلمىستىق قول سۇعۋشىلىقتان قورعاپ، زاڭدىلىق پەن ءتارتىپتى قامتاماسىز ەتۋ جولىندا مەزگىلسىز دۇنيەدەن ءوتتى.