الماتى وبلىسىنىڭ ىلە اۋدانىنداعى قۇس فابريكاسى ورتەنىپ، ءبىر ادام قازا تاپتى، - دەپ حابارلايدى اqshamnews.kz ءتىلشىسى.
الماتى وبلىسىنىڭ تجد مالىمەتىنشە، 28 شىلدەدە م.تۇيمەبايەۆ اۋىلىندا قۇس ەتىنەن تاعام ونىمدەرىن وندىرەتىن كاسىپورىننىڭ اسحاناسىنان ءورت شىققان. وقيعا ورنىنا دەرەۋ قالالىق جانە وبلىستىق تجد قۇتقارۋشىلارى جۇمىلدىرىلعان.
"العاشقى بولىمشەلەر كەلگەن ساتتە ءورتتىڭ ۇلكەن اۋماقتى شارپىعانى انىقتالدى. بارلاۋ بارىسىندا گاز-تۇتىننەن قورعاۋ قىزمەتىنىڭ بولىمشەسى ەر ادامنىڭ ءمايىتىن تاپتى. اشىق جالىندى وشىرۋگە 42 مامان مەن 14 تەحنيكا جۇمىلدىرىلدى. 450 شارشى مەتر اۋماقتا ءورت تولىعىمەن ءسوندىرىلدى. جاقىن ماڭداعى نىساندارعا وتتىڭ تارالۋىنا جول بەرىلمەدى"، — دەپ حابارلادى الماتى وبلىسى تجد.
ءقازىر ءورتتىڭ شىعۋ سەبەبى انىقتالىپ جاتىر. بۇل دەرەك بويىنشا الماتى وبلىسى توتەنشە جاعدايلار دەپارتامەنتىنىڭ انىقتاۋ ءبولىمى قك 292-بابى 2-بولىگى بويىنشا قىلمىستىق ءىس قوزعادى.