الماتى وبلىسى اۋماعىندا قار كوشكىنى ءجۇرۋ ءقاۋپى ساقتالۋدا، دەپ حابارلايدى Almaty-akshamy.kz.
الماتى وبلىسىنىڭ توتەنشە جاعدايلار دەپارتامەنتى الماتى وبلىسىنىڭ تاۋلارىندا 26-31 قاڭتار ارالىعىندا كوشكىن ءقاۋپى ساقتالاتىنىن ەسكەرتتى.
«ازاماتتاردان، تۋريستەردەن جانە دەمالۋشىلاردان قار كوشكىنىن تۋدىرۋى مۇمكىن بولعاندىقتان قارلى بەتكەيلەرگە شىقپاۋدى، سونداي-اق تاۋلى جەرلەردە بارلىق قاۋىپسىزدىك شارالارىن ساقتاۋدى سۇرايدى»، - دەلىنەدى حابارلامادا.
ەسكە سالايىق، الماتى وبلىسىنىڭ اۋماعىندا ىلە الاتاۋى تاۋلارىنىڭ وڭتۇستىك بەتكەيىندە ەڭبەكشىقازاق، تالعار جانە قاراساي اۋداندارىندا 48 كوشكىن ءقاۋپى بار ۋچاسكە بار. قار كوشكىنىنىڭ ءتۇسۋى نەگىزىنەن تەمپەراتۋرا فونىنىڭ جوعارىلاۋى، جاڭبىر مەن قار تۇرىندە مول جاۋىن-شاشىننىڭ تۇسۋىنە بايلانىستى بولادى.