قار ماسساسى اۋدان ورتالىعىنان ەسىك كولىنە اپاراتىن جولدىڭ ءبىر بولىگىن جاۋىپ تاستادى
بۇگىن تاڭەرتەڭ الماتى وبلىسى ەڭبەكشىقازاق اۋدانىندا ەسىك كولىنە باراتىن تاس جولدىڭ 13ء-شى شاقىرىمىندا قار كوشكىنى ءجۇرىپ، جولدى جاۋىپ قالدى، دەپ حابارلايدى Almaty-akshamy.kz.
«قازسەلدەنقورعاۋ» مەملەكەتتىك مەكەمەسىنىڭ باسپا ءسوز قىزمەتى ءمالىم ەتكەندەي، تۇسكەن قاردىڭ كولەمى – 175 تەكشە مەتر.
«قار ماسساسى اۋدان ورتالىعىنان ەسىك كولىنە اپاراتىن جولدىڭ ءبىر بولىگىن جاۋىپ تاستادى. زارداپ شەككەندەر مەن قازا تاپقاندار. قار كوشكىنى تۇندە جاۋعان جاۋىن-شاشىن مەن جىلىمىقتىڭ سالدارىنان وزدىگىنەن ءتۇستى»، - دەپ حابارلايدى «قازسەلدەنقورعاي» مم باسپا ءسوز قىزمەتىنەن.
ماماندار قار كوشكىنىن تۋدىرماس ءۇشىن قار باسقان بەتكەيلەرگە شىعۋدى ۇسىنبايدى، سونداي-اق الداعى كۇندەرى تاۋعا شىقپاۋعا شاقىرادى.
ەسكە سالايىق، 6 ناۋرىز كۇنى الماتى تاۋىندا دا قار كوشكىنى جۇرگەن بولاتىن.