2 مامىرعا ارنالعان اۋا رايى بولجامى
سينوپتيكتەر قازاقستان اۋماعىندا 2023 جىلدىڭ 2 مامىرىنا ارنالعان اۋا رايى بولجامىن ۇسىندى، دەپ حابارلايدى اlmaty-akshamy.kz.
«قازگيدرومەت» رمك اقپاراتىنا سايكەس، باتىستا، وڭتۇستىك-باتىستا جاڭبىر جاۋادى، ماڭعىستاۋ وبلىسىندا كۇندىز قاتتى جاڭبىر جاۋادى، شىعىستا جانە وڭتۇستىك-شىعىستىڭ تاۋلى ايماقتارىندا جاڭبىر، قار جاۋادى. الماتى وبلىسىندا دا اۋا تەمپەراتۋراسىنىڭ كۇرت تومەندەپ، قاتتى جاۋىن-شاشىن جاۋىپ، ارتى قارعا ۇلاسۋى مۇمكىن.
«جالپى، ەل اۋماعىندا جەل كۇشەيىپ، رەسپۋبليكانىڭ باتىسىندا، وڭتۇستىگىندە، وڭتۇستىك-شىعىسىندا كۇن كۇركىرەپ، وڭتۇستىك-شىعىستىڭ تاۋلى ايماقتارىندا بۇرشاق جاۋۋى مۇمكىن، سولتۇستىك پەن شىعىستا تۇمان، وڭتۇستىك-باتىس پەن وڭتۇستىكتە داۋىل كۇتىلەدى»، - دەلىنگەن حابارلامادا.
بولجام بويىنشا تۇندە اقمولا، پاۆلودار، سولتۇستىك قازاقستان، قاراعاندى وبلىستارىندا، الماتى وبلىسىنىڭ تاۋلى ايماقتارىندا 1-6 گرادۋس، قوستانايدىڭ سولتۇستىك-شىعىسىندا، ۇلىتاۋدىڭ سولتۇستىگىندە، تاۋلى ايماقتارىندا 1-6 گرادۋس ۇسكىرىك بولادى دەپ بولجانۋدا.