ەلدى مەكەندەرگە ءقاۋىپ جوق.
الماتى وبلىسى بالقاش اۋدانىندا قاراوي اۋىلىنان 30 كم جەردە قامىس ورتەندى، دەپ حابارلايدى Almaty -akshamy.kz Egemen.kz-كە سىلتەمە جاساپ.
«6 شىلدەدە ساعات 21.00-دە الماتى وبلىسى تجد كەزەكشى بولىمىنە بالقاش اۋدانىندا قاراوي اۋىلىنان 30 كم جەردە، «ىلە-بالقاش» متر» رمم اۋماعىنداعى جەكەلەگەن ارالداردا قامىس ورتەنگەنى تۋرالى حابارلاما كەلىپ ءتۇستى. وقيعا ورنىنا كەلگەن ءورت سوندىرۋشىلەر ەكى كوردون اۋماعىندا قامىس ءورتىن انىقتادى»، دەلىنگەن الماتى وبلىسى تجد باسپا ءسوز قىزمەتىنىڭ حابارلاماسىندا.
بۇگىن ساعات 03.30-دا «ۆاگون» كوردونىنداعى ءورت وقشاۋلاندى. ناۋرىزباي كوردونىنداعى ءورتتىڭ اۋماعى 20 گا قۇرايدى.
ءورتتى سوندىرۋگە «ىلە-بالقاش» متر» رمم جانە الماتى وبلىسى تجد 16 ادام، 8 بىرلىك تەحنيكا، 2 موتوپومپا، 1 ءجۇزۋ قۇرالى جانە 1 ۇشاقسىز ۇشۋ اپپاراتى جۇمىلدىرىلدى. ەلدى مەكەندەرگە ءقاۋىپ جوق.