پروفيلاكتيكالىق ءىس-شارالاردىڭ 3 كۇنىندە الماتى وبلىسىنىڭ ءتارتىپ ساقشىلارى 2799 اكىمشىلىك قۇقىق بۇزۋشىلىقتىڭ جولىن كەستى.
«پوليسيا قىزمەتكەرلەرى ەلدى مەكەندەردى، اكىمشىلىك ۋچاسكەلەردى جانە ساياجاي ماسسيۆتەرىن پاترۋلدەۋگە كوپ كوڭىل ءبولدى. ءجپىش شەڭبەرىندە ەسەپتە تۇرعان 2011 ادام، ونىڭ ىشىندە شارتتى تۇردە مەرزىمىنەن بۇرىن بوساتىلعانم – 297، اكىمشىلىك قاداعالاۋعا جاتاتىن – 368، پروباسيا قىزمەتىندە – 619 ادام، ەرەكشە تالاپتار بەلگىلەنگەن 168 ادام جانە قورعاۋ نۇسقاماسى شىعارىلعان 381 ادام تەكسەرىلدى»، – دەپ اتاپ ءوتتى پد جپقب باستىعى مۇرات قالياسقاروۆ.
بۇرىن جاسالعان 14 قىلمىس اشىلدى، ىزدەۋدە جۇرگەن 4 ادام تابىلدى. وبلىس بويىنشا بارلىعى 2799 اكىمشىلىك قۇقىق بۇزۋشىلىق انىقتالدى، ونىڭ ىشىندە قوعامدىق ورىنداردا الكوگولدىك ىشىمدىكتەر ىشكەنى ءۇشىن – 185، كامەلەتكە تولماعانداردىڭ تۇنگى ۋاقىتتا ويىن-ساۋىق مەكەمەلەرىندە زاڭدى وكىلدەرىنىڭ ەرىپ ءجۇرۋىنسىز بولۋى – 292، بالالاردى تاربيەلەۋ جونىندەگى مىندەتتەردى ورىنداماۋى بويىنشا – 113، ۇساق بۇزاقىلىق – 78.\
«ق ر جول قوزعالىسى ەرەجەلەرىنىڭ قۇقىق بۇزۋشىلىقتارىن انىقتاۋعا ەرەكشە كوڭىل ءبولىندى. ماسەلەن، 3 كۇن ىشىندە پوليسەيلەر جول قاۋىپسىزدىگى جەلىسى بويىنشا 1030 بۇزۋشىلىقتى انىقتادى. ونىڭ ىشىندە جاياۋ جۇرگىنشىلەر مەن جول قوزعالىسىنىڭ وزگە دە قاتىسۋشىلارىنىڭ قوزعالىس ەرەجەلەرىن بۇزعانى ءۇشىن – 839، ماس كۇيىندە كولىك قۇرالىن باسقارعانى ءۇشىن – 24، جاياۋ جۇرگىنشىلەرگە نەمەسە جول قوزعالىسىنىڭ وزگە دە قاتىسۋشىلارىنىڭ جۇرۋىنە باسىمدىق بەرمەگەنى ءۇشىن – 165 ادام جاۋاپكەرشىلىككە تارتىلدى»، – دەپ تولىقتىردى م. قالياسقاروۆ.
رەيد بارىسىندا پوليسەيلەر جۇرگىزۋشىلەرگە جقە قاتاڭ ساقتاۋ قاجەتتىگىن، قاۋىپسىزدىك بەلدىكتەرىن پايدالانۋدىڭ ماڭىزدىلىعىن جانە رۇقسات ەتىلگەن جىلدامدىق رەجيمىن ساقتاۋدى ەسكە سالدى.