الماتى وبلىسىندا "قىسقى جۇگىرۋ – 2025" اتتى مارافون ءوتتى.
10 شاقىرىمدىق قاشىقتىققا سوزىلعان سايىسقا كاسىبي سپورتشىلارمەن قاتار، سپورتسۇيەر قاۋىم جانە الماتى وبلىسى پوليسيا دەپارتامەنتىنىڭ قىزمەتكەرلەرى دە قاتىستى، دەپ حابارلايدى aqshamnews.kz Polisia.kz-كە سىلتەمە جاساپ.
قۇقىق قورعاۋ ورگاندارىنىڭ وكىلدەرى وزدەرىنىڭ جوعارى دايىندىعىن كورسەتىپ، جارىستى لايىقتى ناتيجەلەرمەن اياقتادى. وسىنداي ءىس-شارالار پوليسيا قىزمەتكەرلەرىنىڭ فيزيكالىق جانە رۋحاني تۇرعىدان شىڭدالۋىنا سەپتىگىن تيگىزەدى. قۇقىق قورعاۋشىلار كۇندەلىكتى قىزمەت بارىسىندا ۇلكەن فيزيكالىق جانە پسيحولوگيالىق جۇكتەمەلەرگە تاپ بولادى، سوندىقتان سپورتپەن تۇراقتى اينالىسۋ – ولاردىڭ ءاردايىم تىڭعىلىقتى قالىپتا بولۋىنىڭ كەپىلى.
– سپورت – بۇل تەك دەنساۋلىق پەن توزىمدىلىكتىڭ بەلگىسى عانا ەمەس، سونىمەن قاتار مىنەزدىڭ بەرىكتىگى، ءتارتىپ پەن جەڭىسكە دەگەن ۇمتىلىس. پوليسەيلەردىڭ مارافونعا قاتىسۋى – ولاردىڭ كەز كەلگەن سىناققا دايىن ەكەنىنىڭ ايقىن دالەلى. سەبەبى ىشكى ىستەر ورگاندارىنداعى قىزمەت تەك كاسىبيلىكتى عانا ەمەس، مىقتى فيزيكالىق دايىندىقتى دا تالاپ ەتەدى، – دەدى الماتى وبلىسى پد باستىعى مەيرام ابىكەيەۆ.
بۇل مارافون پوليسەيلەردىڭ تەك قىزمەت بابىندا عانا ەمەس، سپورتتىق الاڭدا دا الدىڭعى قاتاردان كورىنۋگە ۇمتىلاتىنىن كورسەتتى. دەنە شىنىقتىرۋ مەن سالاۋاتتى ءومىر سالتى – قوعام قاۋىپسىزدىگىن قامتاماسىز ەتۋدە ماڭىزدى ءرول اتقاراتىنىن تاعى ءبىر مارتە دالەلدەدى.