الماتى وبلىسىندا جەڭىل اۆتوكولىك پەن مەن جولاۋشىلار اۆتوبۋسىنىڭ قاتىسۋىمەن جول-كولىك وقيعاسى بولدى، - دەپ حابارلايدى Aqshamnews.kz.
الۋمەتتىك جەلىدە تاراعان ۆيدەودا جول اپاتى كەزىندە اۆتوبۋستا وقۋشىلار بولعانى ايتىلادى.
الماتى وبلىستىق پوليسيا دەپارتامەنتىنىڭ حابارلاۋىنشا، Hyundai Accent اۆتوكولىگى مەن جولاۋشىلار اۆتوبۋسى «سوكول» ساياجايىنىڭ اۋماعىندا سوقتىعىسىپ قالعان. ءقازىر اتالعان وقيعا بويىنشا پوليسيا قىلمىستىق ءىس قوزعادى.
– جول اپاتى سالدارىنان جەڭىل اۆتوكولىك جۇرگىزۋشىسى وقيعا ورنىندا كوز جۇمدى، ال ونىڭ جولاۋشىسى مەديسينالىق مەكەمەدە قايتىس بولدى. باسقا زارداپ شەككەندەر جوق، - دەپ مالىمدەدى ءوڭىر پوليسياسى.
الدىن الا مالىمەتتەرگە سايكەس، Hyundai Accent جۇرگىزۋشىسى بۇرىلىس جاساۋ كەزىندە اۆتوبۋسقا جول بەرمەي سوقتىعىسقان.
قازىرگى ۋاقىتتا وقيعانىڭ بارلىق ءمان-جايىن انىقتاۋعا باعىتتالعان كەشەندى تەرگەۋ شارالارى جۇرگىزىلىپ جاتىر. ءىستى تەرگەۋ بارىسى الماتى وبلىسى پوليسيا دەپارتامەنتى باسشىلىعىنىڭ باقىلاۋىنا الىندى.