جەل سەكۋندىنا 15-20 مەترگە جەتەدى
«قازگيدرومەت» رمك-سى قاراشانىڭ 15ء-ى كۇنى بولاتىن اۋا رايىنا قاتىستى بولجامىن جاريالادى، دەپ حابارلايدى Almaty-akshamy.kz.
كاسىپورىن تاراتقان دەركتەرگە قاراعاندا، بۇگىن سولتۇستىك-باتىس سيكلونى قازاقستان تەرريتورياسىمەن تەز جىلجي وتىرىپ، ەلىمىزدىڭ سولتۇستىك جارتىسىندا كوبىنەسە قار، وڭتۇستىگىنە جاڭبىر جاۋۋىنا ىقپال ەتەدى.
رەسپۋبليكانىڭ باسىم بولىگىندە جەل كۇشەيىپ، سولتۇستىكتە جاياۋ بۇرقاسىن، كوكتايعاق بولىپ، وڭتۇستىكتە تۇمان تۇسەدى.
اقمولا وبلىسىنىڭ وڭتۇستىك-شىعىسىندا كوكتايعاق، جاياۋ بۇرقاسىن بولىپ، جەلدىڭ جىلدامدىعى سەكۋندىنا 15-20 مەترگە جەتەدى.
قوستاناي وبلىسىنىڭ سولتۇستىگىندە جەل سەكۋندىنا 15 مەتر جىلدامدىقپەن ۇيتقيدى جانە جاياۋ بۇرقاسىن بولادى.
اقتوبە وبلىسىنىڭ باتىسى مەن سولتۇستىگىندە جاياۋ بۇرقاسىن، كوكتايعاق بلادى.
تۇركىستان وبلىسىنىڭ سولتۇستىگىندە، باتىسىندا جانە تاۋلى اۋداندارىندا جەل 15-20 مەتر جىلدامدىقپەن ۇيتقىپ، تۇندە ەكپىنى 23 م/س بولادى، وبلىستىڭ وڭتۇستىگى مەن تاۋلى اۋداندارىندا تۇمان تۇسەدى.
شىعىس قازاقستان وبلىسىنىڭ سولتۇستىگىندە جاياۋ بۇرقاسىن، تۇمان، كوكتايعاق بولادى، وبلىستىڭ باتىسىندا جەلدىڭ جىلدامدىعى سەكۋندىنا 15-20 مەترگە جەتەدى.
قاراعاندى وبلىسىنىڭ سولتۇستىگىندە، شىعىسى مەن ورتالىعىندا كوكتايعاق بولىپ، جاياۋ بۇرقاسىن سوعادى، جەل سەكۋندىنا 15-20 مەترگە دەيىن كۇشەيەدى.
جامبىل وبلىسىنىڭ وڭتۇستىك-باتىسىندا، سولتۇستىك-شىعىسىندا جانە تاۋلى اۋداندارىندا جەلدىڭ جىلدامدىعى سەكۋندىنا 15-20 مەترگە جەتەدى، تۇندە ەكپىنى 23-28، كەي ۋاقىتتاردا 30 م/س بولادى جانە ودان اسۋى ىقتيمال. تۇندە جانە تاڭەرتەڭ وبلىستىڭ وڭتۇستىك-باتىسىندا، سولتۇستىك-شىعىسىندا جانە تاۋلى اۋداندارىندا تۇمان، كوكتايعاق، جاياۋ بۇرقاسىن بولادى.
تاڭەرتەڭ جانە كۇندىز قىزىلوردا وبلىسىنىڭ سولتۇستىگىندە كوكتايعاق بولادى.
سولتۇستىك قازاقستان وبلىسىنىڭ وڭتۇستىك-باتىسىندا، ماڭعىستاۋ وبلىسىنىڭ باتىسى مەن سولتۇستىك-شىعىسىندا، تاڭەرتەڭ جانە تۇندە اتىراۋ وبلىسىنىڭ باتىسىندا تۇمان تۇسەدى.
باتىس قازاقستان وبلىسىنىڭ سولتۇستىگىندە تۇمان، كوكتايعاق بولادى.
الماتى وبلىسىنىڭ وڭتۇستىگى مەن شىعىسىندا تۇمان، كوكتايعاق، سولتۇستىگى، وڭتۇستىگى مەن شىعىسىندا جەل سەكۋندىنا 15-20 مەترگە جەتەدى، كۇندىز ەكپىنى 25 مەتر بولادى.