بۇعان دەيىن الەۋمەتتىك جەلىدە كوكپارشىلاردىڭ ۇيلەردىڭ اۋلاسىنا دەيىن كىرىپ كەتكەن ۆيدەوسى تاراعان.
سوت تالعاردا كوكپار ۇيىمداستىرۋشىلار مەن قاتىسۋشىلارىن 10 تاۋلىككە قاماۋ تۋرالى ۇكىم شىعاردى، دەپ حابارلايدى Almaty-akshamy.kz الماتى وبلىستىق پوليسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
پوليسيا مۇنداي ۇلتتىق ويىندار ادام ومىرىنە ءقاۋىپ توندىرمەيتىن ارنايى ورىنداردا ۇيىمداستىرىلۋى ءتيىس ەكەنىن اتاپ ءوتتى
«ءتارتىپ بۇزۋشىلار ءۇش اكىمشىلىك باپ بويىنشا (ۇساق بۇزاقىلىق، كولىك ترانسپورتىنىڭ قوزعالىسىنا كەدەرگى جاساۋ، جولاۋشىلار مەن جۇك تاسىمالداۋ ەرەجەسىن بۇزۋ) جاۋاپقا تارتىلدى جانە 10 تاۋلىككە قاماۋعا الىندى»، - دەلىنگەن حابارلامادا.
كوكپار قاتىسۋشىلارى ۆيدەوۇندەۋ جاريالاپ، تۇرعىنداردان كەشىرىم سۇرادى.
پوليسيا مۇنداي ۇلتتىق ويىندار ادام ومىرىنە ءقاۋىپ توندىرمەيتىن ارنايى ورىنداردا ۇيىمداستىرىلۋى ءتيىس ەكەنىن اتاپ ءوتتى.
الەۋمەتتىك جەلىدە تاراپ كەتكەن ۆيدەودا شاباندوزداردىڭ كوشەدە ويناپ، ۇيلەردىڭ اۋلاسىنا دەيىن كىرىپ كەتكەنى كورىنىپ تۇر. سونىڭ سالدارىنان كولىك كەپتەلىسى بولدى. اۋلادا تۇرعان كولىكتەرگە زاقىم كەلگەن.