الماتى وبلىسىنىڭ پروكۋرورى بەرىك اداموۆ وي-كاراعاي شاتقالىندا شارۋاشىلىق يەلەرىمەن كەزدەسىپ، فەرمەرلىك شارۋاشىلىقتاردىڭ دامۋىنا كەدەرگى كەلتىرەتىن ماسەلەلەردى تالقىلادى. كەزدەسۋگە دەپۋتاتتار، اكىمدىك وكىلدەرى، اگروكرەديتتىك ۇيىمدار مەن فەرمەرلەر قاتىستى، دەپ حابارلايدى aqshamnews.kz.
پروكۋراتۋرا بىرنەشە كومپانيانىڭ سۋ باعاسىن نەگىزسىز كوتەرگەنىن انىقتادى. بۇل وڭىردەگى فەرمەرلەرگە ۇلكەن زيان كەلتىردى. «تالعاريرريگاسيا»، «بالقاشيرريگاسيا»، «كولساييرريگاسيا» جانە «ۇشقونىريرريگاسيا» كومپانيالارى سۋ تاسىمالداۋ، جابدىقتاردى كۇتۋ جانە سالىقتار بويىنشا شىعىنداردى كوتەرىپ، فەرمەرلەرگە ارنالعان سۋ قۇنىنىڭ تىم جوعارى بولۋىنا سەبەپ بولعان.
پروكۋراتۋرانىڭ ارالاسۋىنان كەيىن تاريفتەر تومەندەتىلىپ، ءبىر تەكشە مەتر سۋ باعاسى 38%-عا ارزاندادى. بۇل وڭىردەگى 1300 اۋىلشارۋاشىلىق وندىرۋشىلەرىنىڭ مۇددەلەرىن قورعاۋعا جانە شىعىنداردىڭ ءوسۋ جاعدايىندا قولداۋعا مۇمكىندىك بەردى. كىنالىلەر تارتىپتىك جاۋاپكەرشىلىككە تارتىلدى.
سونىمەن قاتار، ەگىنشىلەر ءداندى جيناۋ ماۋسىمىنداعى ديزەل وتىنىنىڭ باعاسىنىڭ ءوسۋىن جانە ءونىمدى ساتۋ قيىندىقتارىن اتاپ ءوتتى. مىسالى، وتكەن جىلى جانە بيىلعى جىلدىڭ باسىندا نارىق تاپشىلىعىنا بايلانىستى 11 مىڭ توننا پيازدى جويۋعا تۋرا كەلدى، ال جۇگەرى باعاسى ەكى ەسەگە تومەندەگەن.