الماتى وبلىسىندا ەكى مەكتەپكە بومبا قويىلدى

وقيعا ورنىنا دەرەۋ اۋداننىڭ جەدەل قىزمەتىنىڭ كۇشتەرى مەن قۇرالدارى جىبەرىلدى

ىلە اۋدانىنىڭ ورتالىعى وتەگەن باتىر كەنتىندەگى ەكى مەكتەپكە بومبا قويىلعانى تۋرالى حابارلاما ءتۇستى. قازىرگى ۋاقىتتا مەكتەپ اۋماعى قورشالىپ، بالالار مەن مۇعالىمدەر تولىق ەۆاكۋاسيالاندى، دەپ حابارلايدى Almaty-akshamy.kz الماتى وبلىسى ىلە اۋدانى اكىمىنىڭ باسپا ءسوز قىزمەتىنە سىلتەمە جاساپ.

الماتى وبلىسى ىلە اۋدانى اكىمىنىڭ باسپا ءسوز قىزمەتى الەۋمەتتىك جەلىدە وتەگەن باتىر كەنتىنىڭ ەكى مەكتەبىندە بومبا قويلىعانى تۋرالى اقپارات جاريا ەتتى.

اكىمدىكتىڭ مالىمەتىنشە، 22 قىركۇيەكتە ىلە اۋداندىق پوليسيا باسقارماسىنىڭ كەزەكشى بولىمىنە وتەگەن باتىر كەنتىندەگى № 7، № 13 مەكتەپتەرىنە جارىلعىش زاتتىڭ قويىلعانى تۋرالى حابارلاما تۇسەدى. وقيعا ورنىنا دەرەۋ اۋداننىڭ جەدەل قىزمەتىنىڭ كۇشتەرى مەن قۇرالدارى جىبەرىلدى.

«قازىرگى ۋاقىتتا مەكتەپ اۋماعى قورشالىپ، بالالار مەن مۇعالىمدەر تولىق ەۆاكۋاسيالاندى. ءىس-شارالار الگوريتمگە سايكەس جۇرگىزىلۋدە. قوسىمشا اقپارات ءىس-شارالار اياقتالعان سوڭ بەرىلەدى. ىلە اۋدانى وتەگەن باتىر اۋىلىنىڭ تۇرعىندارى مەن قوناقتارىن سابىرلىق ساقتاپ، ۇرەيلەنبەۋگە شاقىرامىز»، - دەلىنەدى اكىمدىك حابارلاماسىندا.