ءدارىحانالاردى تەكسەرۋ كەزىندە پوليسەيلەر دارىگەرلەردىڭ رەسەپتىسىز دارى-دارمەكتەردى بوساتۋدىڭ 9 دەرەگىن انىقتادى.
الماتى وبلىسىندا «دارمەك» جەدەل-پروفيلاكتيكالىق ءىس-شاراسى قورىتىلاندى، دەپ حابارلايدى Almaty-akshamy.kz Polisia.kz سايتىنا سىلتەمە جاساپ.
29 قاراشا مەن 3 جەلتوقسان ارالىعىندا الماتى وبلىسىنىڭ اۋماعىندا ەسىرتكىنىڭ رەسمي اينالىمىنداعى قۇقىقبۇزۋشىلىقتاردى انىقتاۋعا باعىتتالعان «دارمەك» جەدەل-پروفيلاكتيكالىق ءىس-شاراسىنىڭ ءتورتىنشى كەزەڭى وتكىزىلدى.
جەدەل الدىن الۋ ءىس-شاراسى بارىسىندا پوليسيا قىزمەتكەرلەرى 12 اكىمشىلىك قۇقىق بۇزۋشىلىق دەرەگىن انىقتادى. ونىڭ قاتارىندا ق ر اقبتك-نىڭ 424-بابى (زاڭسىز مەديسينالىق نەمەسە وزگە دە فارماسيەۆتيكالىق قىزمەت) بويىنشا ءبىر دەرەك بار، بۇل رەتتە قۇرامىندا پسيحوتروپتىق انالگەتيك بار دارىلىك زات تاركىلەندى. ەكى قۇقىق بۇزۋشىلىق ق ر اقبتك-نىڭ 427-بابى (ەسىرتكى اينالىمى سالاسىنداعى وبەكتىلەردى تەحنيكالىق نىعايتۋ تالاپتارىن بۇزۋ) بويىنشا قۇجاتتالدى.
ءدارىحانالاردى تەكسەرۋ كەزىندە پوليسەيلەر دارىگەرلەردىڭ رەسەپتىنسىز دارى-دارمەكتەردى بوساتۋدىڭ 9 دەرەگىن انىقتادى. وسى بارلىق دەرەكتەرگە سايكەس اكىمشىلىك قۇجاتتار ق ر اقبتك-نىڭ 426 -بابى (فارماسيەۆتيكالىق قىزمەتتىڭ جانە دارىلىك زاتتار مەن مەديسينالىق بۇيىمداردىڭ اينالىسى سالاسىنىڭ قاعيدالارىن بۇزۋ) بويىنشا جيناقتالدى. پوليسيا قۇرامىندا ەسىرتكىسى بار پرەپاراتتاردى ساتۋ كەزىندە ءدارىحانا ساتۋشىلارى جول بەرگەن قۇقىق بۇزۋشىلىق دەرەكتەرى بەلگىلى بولعان جاعدايدا، بارلىق ازاماتتاردى «102» تەلەفونىنا نەمەسە جاقىن ماڭداعى اۋماقتىق پوليسيا بولىمشەسىنە حابارلاۋعا شاقىرادى.