ازىق-تۇلىك تاۋارلارىنىڭ باعاسىن تۇراقتاندىرۋعا ەرەكشە كوڭىل ءبولۋى كەرەكتىگى ايتىلدى.
الماتى وبلىسىنىڭ باسشىلارى وڭىردە 475 مىڭ توننا ازىق-تۇلىك قورى بارىن ايتتى، دەپ حابارلايدى Almaty-akshamy.kz.
قازاقستان پرەمەر-مينيسترى ءاليحان سمايىلوۆتىڭ توراعالىعىمەن وتكەن ۇكىمەت وتىرىسىندا ەلىمىزدىڭ 2022 جىلعى قاڭتار-اقپانداعى الەۋمەتتىك-ەكونوميكالىق دامۋ جانە رەسپۋبليكالىق بيۋدجەتتىڭ اتقارىلۋ قورىتىندىلارى قارالدى.
«جيىندا ءاليحان سمايىلوۆ قازىرگىدەي كۇردەلى كەزەڭدە ەكونوميكانىڭ ءوسۋ قارقىنىن ساقتاي وتىرىپ، ءارى قاراي جەدەلدەتۋ اسا ماڭىزدى مىندەت ەكەنىن، اكىمدەردىڭ الەۋمەتتىك ماڭىزى بار ازىق-تۇلىك تاۋارلارىنىڭ باعاسىن تۇراقتاندىرۋعا ەرەكشە كوڭىل ءبولۋى كەرەكتىگىن ايتتى. بۇل رەتتە ازىق-تۇلىك قاۋىپسىزدىگىن قامتاماسىز ەتۋ شارالارى تۋرالى الماتى وبلىسىنىڭ اكىمى قانات بوزىمبايەۆ باياندادى. ونىڭ ايتۋىنشا، وبلىس ءوزىن ءوزى ازىق-تۇلىك تاۋارلارىنىڭ 9 تۇرىمەن، ياعني سيىر مەن قوي ەتى، جۇمىرتقا، قانت، ماۋسىمارالىق كەزەڭدە پياز، كارتوپ، ءسابىز، قىرىققابات، قىزاناقپەن 100 پايىز، ۇن، قيار، الما، قۇس ەتى، سۇتپەن 90 پايىز قامتاماسىز ەتىپ وتىر. سونىمەن بىرگە سارى ماي، وسىمدىك مايى، ىرىمشىك پەن سۇزبە، شوشقا ەتىن ءوندىرۋدى ۇلعايتۋعا دەن قويدى»، - دەلىنگەن الماتى وبلىسى اكىمىنىڭ باسپا ءسوز قىزمەتىنىڭ حابارلاماسىندا.
ازىق-تۇلىك قاۋىپسىزدىگىن قامتاماسىز ەتۋ ماقساتىندا بيىل اۋىل شارۋاشىلىعى داقىلدارىنىڭ ەگىس كولەمى 1،3 مىڭ گەكتارعا ۇلعايتىلىپ، 974 مىڭ گەكتارعا جەتكىزىلەدى.
جالپى قۇنى 75 ملرد تەڭگەنى قۇرايتىن 47 ينۆەستيسيالىق جوبا ىسكە اسىرىلادى. اتاپ ايتقاندا، يمپورت الماستىرۋ مىندەتى اياسىندا «پريما قۇس» كومپانياسىنىڭ جىلىنا 36 مىڭ توننا ەت وندىرەتىن قۇس فابريكاسى سالىنۋدا، ينۆەستيسيا كولەمى - 34 ملرد.تەڭگە.
1 مىڭ گەكتارعا قارقىندى ب ا ق وسىرۋگە 33 ملرد تەڭگە ينۆەستيسيا تارتىلادى. سىيىمدىلىعى 6 مىڭ توننا جەمىس ساقتاۋ قويماسى سالىندى. وسى جىلى 11،4 مىڭ توننالىق تاعى 4 وسىنداي نىسان ىسكە قوسىلادى. 34 ملرد تەڭگەگە جەمىس-جيدەك كلاستەرىنىڭ ينفراقۇرىلىمى سالىنۋدا. كوكونىستەردى جىل بويى وندىرۋگە كوشۋ شارالارىنىڭ ناتيجەسىندە وبلىستا جىلىجاي كوكونىستەرىن ءوندىرۋ 35 مىڭ تونناعا دەيىن جەتكىزىلەدى. ىشكى نارىقتى المامەن قامتۋ ءۇشىن 400 گەكتارعا جاڭا جەمىس باعى وتىرعىزىلادى.
«قايتا وڭدەۋ كاسىپورىندارىن تولىق قۋاتىندا پايدالانۋ ءۇشىن 15 بورداقىلاۋ الاڭى مەن 3 تاۋارلى ءسۇت فەرماسىن اشۋدى جوسپارلاپ وتىرمىز. بيىل 1،4 ملن توننا استىق، 1 ميلليون توننادان استام كوكونىس، 742 مىڭ توننا كارتوپ جيناۋ جوسپارلانۋدا. سونداي-اق، ەت ءوندىرىسى 3،9 %-عا، ءسۇت - 2،5%-عا، جۇمىرتقا ءوندىرىسى - 4،9 %-عا ۇلعايادى»، - دەدى قانات بوزىمبايەۆ.
ۇكىمەت قابىلداعان ينفلياسيا دەڭگەيىن تومەندەتۋدىڭ 2022-2024 جىلدارعا ارنالعان ءىس-شارالار كەشەنى اياسىندا الەۋمەتتىك ماڭىزى بار ازىق-تۇلىك باعاسىن ۇستاپ تۇرۋعا 5،7 ملرد تەڭگە ءبولىندى، ونىڭ 1،1 ملرد تەڭگەسى – تۇراقتاندىرۋ قورىنا ءونىم ساتىپ الۋعا، 4،6 ملرد تەڭگەسى اينالىمدىق سحەما بويىنشا تۇراقتاندىرۋ قورىن قۇرۋعا باعىتتالدى.
تۇراقتاندىرۋ قورىنا 10 مىڭ توننا ازىق-تۇلىك ساتىپ الىنعان، بۇگىنگى كۇنگە قالعانى - 1،3 توننا. قوسىمشا 400 ملن تەڭگەگە 830 توننا الەۋمەتتىك ماڭىزى بار ونىمدەر ساتىپ الۋ جوسپارلانۋدا. قازىرگى ۋاقىتتا 475 مىڭ توننا ازىق-تۇلىك قورى بار.
اينالىمدىق سحەما بويىنشا 4،1 ملرد. تەڭگەگە 21 شارت جاسالدى. قازىرگى ۋاقىتتا 4،5 مىڭ توننا ءونىم بار، فورۆاردتىق ساتىپ الۋ بويىنشا 3،5 مىڭ توننا كوكونىس جەتكىزىلەتىن بولادى. قوسىمشا 1،4 ملرد. تەڭگە جەڭىلدەتىلگەن قارىز بەرۋ جوسپارلانۋدا، تۇركىستان وبلىسىنان ەرتە پىسەتىن كوكونىس جەتكىزۋگە شارتتار جاسالۋدا.
جالپى وبلىستا وتكەن جىلى اۋىل شارۋاشىلىعى ونىمدەرىنىڭ كولەمى ءبىر تريلليون تەڭگەدەن اسىپ، 331 ملرد. تەڭگەگە ازىق-تۇلىك ونىمدەرى شىعارىلدى.