بۇل جوبا ىشكى نارىقتى المامەن قامتاماسىز ەتۋ ماقساتىندا قولعا الىنباق.
بۇل تۋرالى وبلىس اكىمى قانات بوزىمبايەۆ ۇكىمەت وتىرىسىندا ايتتى، دەپ حابارلايدى Almaty-akshamy.kz
«كوكونىستەردى جىل بويى وندىرۋگە كوشۋ ءۇشىن 407 گەكتارعا ونەركاسىپتىك جىلىجاي ىسكە قوسىلادى. وسىلايشا وبلىستا جىلىجاي كوكونىستەرىن ءوندىرۋ كولەمى 35 مىڭ تونناعا دەيىن جەتكىزىلەدى. ىشكى نارىقتى المامەن قامتاماسىز ەتۋ ماقساتىندا وبلىستا 400 گەكتارعا جاڭا جەمىس باعى ەگىلەدى. قايتا وڭدەۋ كاسىپورىندارىنىڭ قۋاتىن بارىنشا جۇكتەۋ ءۇشىن 15 بورداقىلاۋ الاڭىن جانە 3 تاۋارلى ءسۇت فەرماسىن قۇرۋدى جوسپارلاپ وتىرمىز. قابىلدانعان شارالار ناتيجەسىندە بيىل 1،4 ملن توننا استىق، 1 ملن توننادان استام كوكونىس جانە 742 مىڭ تننا كارتوپ جيناۋ جوسپارلانۋدا. سونداي-اق، ەت ءوندىرىسى 3،9 پايىزعا، ءسۇت 2،5 پايىزعا جانە جۇمىرتقا ءوندىرىسى 4،9 پايىزعا ۇلعايادى»، - دەدى قانات بوزىمبايەۆ.