الماتى وبلىسىندا قىلمىستىق توپ ۇستالدى.
وبلىس اۋماعىندا بىرنەشە اي بويى ءتۇرلى ۇرلىق تۇرلەرىمەن اينالىسقان كۇدىكتىلەر قاراساي اۋدانىندا جەدەل ىزدەستىرۋ ءىس-شارالارىن جۇرگىزۋ كەزىندە ۇستالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
فيگۋرانتتاردىڭ قىلمىستىق ارەكەتتەرى ارنايى جانە جەدەل ءىس-شارالاردىڭ ناتيجەلەرىمەن راستالدى. توپتىڭ قۇرامىندا 32، 27، 20 جانە 17 جاستاعى ءتورت ەر ادام بولعان. ءقازىر ولاردىڭ 20-دان استام ۇرلىق فاكتىسىنە قاتىسى بار ەكەنى انىقتالدى. ۇستالعاندار ۋاقىتشا ۇستاۋ يزولياتورىنا قاماققا الىندى.
اتالعان فاكتى بويىنشا قاراساي اۋدانىنىڭ پب تەرگەۋشىلەرىنە تاپسىرىلعان سوتقا دەيىنگى تەرگەۋ باستالدى. قازىرگى ۋاقىتتا ۇرلانعان مۇلىكتى وتكىزۋ نۇكتەلەرىن بەلگىلەۋ بويىنشا تەكسەرۋ شارالارى جۇرگىزىلۋدە. قىلمىستىق ءىس بويىنشا تەرگەۋ بارىسىن ۆەدومستۆو باسشىلىعى باقىلاۋعا الدى.