قازگيدرومەت 22 تامىزعا اۋا رايى بولجامىن جاسادى، دەپ حابارلايدى Almaty-akshamy.kz
22 تامىز كۇنى اتموسفەرالىق فرونتالدى بولىكتەردىڭ وتۋىمەن ەلىمىزدىڭ باسىم بولىگىندە قۇبىلمالى كۇن رايى ساقتالادى، ونىمەن نايزاعاي، داۋىل، ەكپىندى جەل كۇتىلەدى. سولتۇستىك اۋماقتا تۇندە قاتتى جاڭبىر جاۋسا، شىعىستا جاۋىن-شاشىنسىز اۋا رايى بولجانادى. سونداي-اق رەسپۋبليكانىڭ سولتۇستىگىندە، سولتۇستىك-باتىسى مەن باتىسىندا تۇنگى جانە تاڭەرتەڭگى ساعاتتاردا تۇماندى بولادى..
كۇندىز جەتىسۋ، ۇلىتاۋ، اتىراۋ، الماتى، ماڭعىستاۋ وبلىستارىندا، باتىس قازاقستان، قوستاناي وبلىستارىنىڭ وڭتۇستىگىندە، اقتوبە وبلىسىنىڭ وڭتۇستىگىندە، باتىسىندا 35-40°س قاتتى ىستىق كۇتىلەدى.
ماڭعىستاۋ، اقتوبە، جامبىل، قىزىلوردا وبلىستارىندا، قوستاناي وبلىسىنىڭ وڭتۇستىگىندە، جەتىسۋ وبلىسىنىڭ باتىسىندا، ورتالىعىندا، تۇركىستان وبلىسىنىڭ سولتۇستىگىندە، باتىسىندا، وڭتۇستىگىندە، ءشولدى اۋداندارىندا، اتىراۋ وبلىسىنىڭ باتىسىندا، وڭتۇستىگىندە، شىعىسىندا ءورت تۇتانۋ ءقاۋپى اسا جوعارى.
باتىس قازاقستان وبلىسىنىڭ وڭتۇستىگىندە، ورتالىعىندا جوعارى ءورت ءقاۋپى كۇتىلەدى، وبلىستىڭ سولتۇستىگىندە، باتىسى مەن شىعىسىندا ءورت شىعۋ ءقاۋپى اسا جوعارى.
الماتى وبلىسىنىڭ وڭتۇستىك جارتىسىندا جوعارى ءورت ءقاۋپى ساقتالادى، سولتۇستىك جارتىسىندا وت شىعۋ ءقاۋپى اسا جوعارى.
ۇلىتاۋ وبلىسىنىڭ سولتۇستىگىندە، شىعىسىندا، وڭتۇستىگىندە، سولتۇستىك-قازاقستان وبلىسىنىڭ وڭتۇستىگىندە، اقمولا وبلىسىنىڭ باتىسىندا، سولتۇستىگىندە، وڭتۇستىگىندە جوعارى ءورت ءقاۋپى بولجانادى.