جەكەلەگەن شارۋالاردىڭ ونىمدىلىگى 700 سەنتنەرگە دەيىن كوتەرىلگەن
ساپالى تۇقىم، وزىق تەحنولوگيانىڭ ارقاسىندا وبلىستاعى قانت قىزىلشاسىنىڭ كولەمى ارتا ءتۇستى، دەپ حابارلايدى Almaty-akshamy.kz.
وتكەن جىلى 12 مىڭ گەكتاردان 328 مىڭ توننا ءتاتتى ءتۇبىر جينالدى. ال، جەكەلەگەن شارۋالاردىڭ ونىمدىلىگى 700 سەنتنەرگە دەيىن كوتەرىلگەن.
بۇل قاتاردان سارقان اۋدانىنىڭ مۇحانوۆ (780 سن)، قالييەۆ (655 سن) جانە «ابىلقاسىموۆ» (435 سن)، ەسكەلدى اۋدانىنىڭ «سارييەۆ» شق (510 سن) پەن اقسۋ اۋدانىنىڭ «اليحان» (650 سن) شارۋاشىلىقتارىن كورۋگە بولادى.
قازىرگى ۋاقىتتا اقسۋ جانە كوكسۋ قانت زاۋىتتارى شيكىزاتتى تولىق قابىلداپ، وڭدەۋدە، بيىل 30 مىڭ توننادان استام وتاندىق قانت وندىرىلەدى دەپ جوسپارلانعان بولاتىن.