بۇل بالالاردىڭ جاس مولشەرى 14 جاسقا دەيىنگى ارالىقتا.
ال جالپى وبلىس بويىنشا سوڭعى تاۋلىكتە 86 ادامنان كوروناۆيرۋس انىقتالدى، دەپ حابارلايدى Almaty-akshamy.kz
«وبلىس وڭىرلەرى اراسىندا كۆي سىرقاتتانۋ كورسەتكىشى بالقاش-2، ەڭبەكشىقازاق-2، ەسكەلدى-1، جامبىل – 4، ىلە–12، قاراساي-10، قاراتال-7، پانفيلوۆ – 7، تالعار–14، ۇيعىر اۋداندارىندا – 9، تالدىقورعان – 16، تەكەلى قالاسىندا 2 جاعدايدان تىركەلدى. 13 شىلدەدەگى جاعداي بويىنشا، 26 918 ناۋقاس جازىلىپ شىقتى. ءبىر تاۋلىك ىشىندە 17 پاسيەنت ستاسيوناردان ەمدەلىپ ، 34 ادام ۇيدەن وقشاۋلاۋدان شىقتى» دەلىنگەن الماتى وبلىستىق سانيتاريالىق-ەپيدەميولوگيالىق باقىلاۋ دەپارتامەنتىنىڭ باسپا ءسوز قىزمەتى تاراتقان حابارلامادا.
ۆەدومستۆونىڭ اقپاراتىنا سايكەس، جالپى وبلىستا ىندەت باستالعالى كۆي-دىڭ 28 455 جاعداي تىركەلگەن.
«ونىڭ ىشىندە سيمپتوممەن 18 017 جاعداي. 100 مىڭ تۇرعىنعا شاققاندا كۆي سىرقاتتانۋشىلىق كورسەتكىشى – 1331،3 قۇرادى. وبلىس بويىنشا كۆي ءوسۋ قارقىنى سوڭعى 2 اپتادا 0،2%-دان (29.06-05.07) 0،3%-عا (06.07-12.07) دەيىن ءوستى. سوڭعى اپتادا ەڭ جوعارى ءوسۋ قارقىنى بالقاش، ەسكەلدى، ىلە، قاراساي، قاراتال، تالعار اۋداندارىندا بايقالادى. سوڭعى تاۋلىكتە كۆي 86 جاعدايى تىركەلدى، ءوسۋ قارقىنى – 0،3%، ونىڭ ىشىندە 70 سيمپتومدىق جانە 16 سيمپتومسىز جاعداي»،- دەپ تولىقتىردى اتالعان ۆەدومستۆونىڭ باسپا ءسوز قىزمەتىنەن.