تاۋلاردا قار كوشكىنى ءجۇرۋ قاۋپىنە بايلانىستى وبلىستىڭ توتەنشە جاعدايلار دەپارتامەنتى ەسكەرتۋ جاريالادى.
الماتى وبلىسىنىڭ توتەنشە جاعدايلار دەپارتامەنتى تاراتقان مالىمەتكە سايكەس، وبلىس تاۋلارىندا 11-15 ءساۋىر كۇندەرى قار كوشكىنى ءجۇرۋ ءقاۋپى ساقتالادى، دەپ حابارلايدى اlmaty-akshamy.kz.
قۇتقارۋشىلار ازاماتتاردان، تۋريستەردەن جانە دەمالۋشىلاردان قار كوشكىنىن تۋدىرۋى مۇمكىن بولعاندىقتان قارلى بەتكەيلەرگە شىقپاۋدى، تاۋلى جەرلەردە بارلىق قاۋىپسىزدىك شاراسىن ساقتاۋعا شاقىردى.
«ىلە-الاتاۋ تاۋلارىنىڭ وڭتۇستىك بەتكەيىندە ەڭبەكشىقازاق، تالعار جانە قاراساي اۋداندارىندا 55 كوشكىن ءقاۋپى بار ۋچاسكە بار. نەگىزىنەن قار كوشكىنىنىڭ ءتۇسۋى تەمپەراتۋرا فونىنىڭ جوعارىلاۋىنا جانە جاڭبىر مەن قار تۇرىندە مول جاۋىن-شاشىننىڭ تۇسۋىنە بايلانىستى بولادى»، - دەلىنگەن حابارلامادا.