الماتى – ميلان باعىتىنداعى رەيس سانىن كوبەيەدى

كەزدەسۋ بارىسىندا ازاماتتىق اۆياسيا سالاسىنداعى ىنتىماقتاستىقتىڭ پەرسپەكتيۆالارى تالقىلاندى، دەپ حابارلايدى almaty-akshamy.kz

قاسىم-جومارت توقايەۆتىڭ پىكىرىنشە، ەكى ەل اراسىنداعى تىكەلەي اۋە قاتىناستارى ساۋدا-ەكونوميكالىق، مادەني-گۋمانيتارلىق بايلانىستار مەن ءتۋريزمنىڭ دامۋىنا تىڭ سەرپىن بەرەدى. پرەزيدەنت الماتى – ميلان اۋە رەيسىنە سۇرانىستىڭ جوعارى ەكەنىن اتاپ ەتتى. بۇل رەيس اشىلعالى بەرى 70 مىڭعا جۋىق جولاۋشى تاسىمالدانعان.

ءوز كەزەگىندە لۋپو راتتاسسي ايماقتاعى اۋە باعىتتارىنىڭ اۋقىمىن كەڭەيتۋ جونىندەگى جوسپارىن تانىستىردى. اتاپ ايتقاندا، الماتى – ميلان باعىتىنداعى رەيس سانىن كوبەيتۋ، استانا جانە ريم، سونداي-اق استانا جانە ميلان اراسىندا اۋە قاتىناستارىن اشۋ جوسپارلانىپ وتىر.

پرەزيدەنت NEOS اۋە كومپانياسىمەن ىنتىماقتاستىق قازاقستانداعى ازاماتتىق اۆياسيا مەن كولىك-لوگيستيكا سالالارىن دامىتۋعا وڭ ىقپال ەتەتىنىنە سەنىم ءبىلدىردى.

NEOS كومپانياسى 2001 جىلى قۇرىلعان. ونىڭ نەگىزىن يتاليالىق Alpitour S.p.ا. جانە گەرمانيالىق TUI Group تۋريستىك كومپانيالارى بىرگە قالادى. ول يتاليانىڭ ەڭ ءىرى جەكە اۆياكومپانيالارىنىڭ ءبىرى رەتىندە 70-تەن استام باعىتقا تاسىمال جاسايدى. 2022 جىلى كومپانيانىڭ تابىسى 640 ميلليون اقش دوللارىن قۇرادى.