الماتى مەتروسىندا ءبىر ادام رەلسكە قۇلاپ، قازا تاپتى. وكىنىشكە قاراي، ونى امان الىپ قالۋ مۇمكىن بولمادى. بۇل تۋرالى مەتروپوليتەننىڭ باسپا ءسوز قىزمەتى حابارلادى.
«وقيعا ورنىندا مەديسينالىق قىزمەتكەرلەر مەن پوليسيا جۇمىس ىستەپ جاتىر. مەتروپوليتەن شتاتتىق رەجيمدە جۇمىسىن جالعاستىرۋدا، الايدا تەرگەۋ اياقتالعانعا دەيىن «اباي» ستانسياسىنا كىرۋ ۋاقىتشا جابىلادى. وسى ستانسيادا پويىزدار توقتامايدى»، — دەپ جولاۋشىلارعا ەسكەرتۋ جاسالدى.
وقيعا ورنىنا پوليسيا مەن جەدەل جاردەم قىزمەتكەرلەرى شۇعىل جەتتى.
«تەرگەۋ جۇرگىزىلۋدە. جازاتايىم وقيعا سالدارىنان 26 جاستاعى كورۋ قابىلەتى ناشار ەر ادام قايتىس بولدى. وقيعانىڭ ءمان-جايى انىقتالۋدا»، - دەدى الماتى پوليسيا دەپارتامەنتى