«رايىمبەك»، «جىبەك جولى»، «المالى»، «اباي»، «بايقوڭىر»، «م. اۋەزوۆ اتىنداعى تەاتر» جانە «الاتاۋ» ستانسيالارىندا ينتەرنەت پەن ۇيالى بايلانىس جۇمىس ىستەي باستادى. قازىرگى ۋاقىتتا تاعى ءتورت ستانسيانى قوسۋ ءۇشىن تەحنيكالىق جۇمىستار جۇرگىزىلۋدە.
بۇل جاڭاشىلدىق جولاۋشىلارعا بارلىق تەلەكوم قىزمەتتەرىن پايدالانۋعا مۇمكىندىك بەرەدى: قوڭىراۋلار جاساۋ، حابارلامالار جىبەرۋ جانە ساندىق قىزمەتتەردى قولدانۋ.
«قازىرگى تاڭدا بازالىق ستانسيالاردى ورناتۋ جۇمىستارىن كسەلل كومپانياسى جۇرگىزىپ جاتىر. الداعى ۋاقىتتا مەتروپوليتەن ماماندارى بارلىق ۇيالى بايلانىس وپەراتورلارىن تارتۋدى جوسپارلاپ وتىر. ءبىز قازىرگى الەمدە بايلانىستا بولۋدىڭ قانشالىقتى ماڭىزدى ەكەنىن تۇسىنەمىز جانە جولاۋشىلارىمىزعا ساپالى جانە ىڭعايلى قىزمەتتەر ۇسىنۋ ءۇشىن بار كۇشىمىزدى سالۋدامىز»، — دەپ اتاپ ءوتتى مەتروپوليتەننىڭ باسپا ءسوز قىزمەتى.