پويىزداردىڭ قوزعالىس ارالىعى 10 مينۋتتى قۇرايدى
مەترو ساعات 07:00-دەن 21:00-گە دەيىن جۇمىس ىستەيدى، دەپ حابارلايدى Almaty-akshamy.kz.
«پويىزداردىڭ قوزعالىس ارالىعى 10 مينۋتتى قۇرايدى، ال قاربالاس ۋاقىتتا جانە قالعان ۋاقىتتا - 13 مينۋت. مەترو جۇمىس كەستەسىندە وزگەرىستەر ورىن الاتىن بولسا، تاعى دا قوسىمشا حابارلانادى»،-دەلىنگەن قالالىق موبيلدىلىك باسقارماسى تاراتقان مالىمەتتە.
سونىمەن قاتار، 17 قاڭتاردان باستاپ قالاداعى قوعامدىق كولىكتەر، سونىڭ ىشىندە تروللەيبۋستار مەن قالا ماڭىنداعى مارشرۋتتار ساعات 21:00-گە دەيىن قاتىنايتىن بولادى. دەمەك، قالالىق مارشرۋتتاردىڭ جۇمىس كەستەسى ساعات 08:00-دەن 21:00-گە دەيىن، قالا ماڭىنداعى مارشرۋتتاردىڭ جۇمىس كەستەسى 09:00-دەن 21:00-گە دەيىن دەپ بەلگىلەندى.