كونسەرتكە بىرنەشە ساعات قالعاندا الماتىنىڭ ورتالىق ستاديونى ماڭىندا ەرەكشە جىلىلىق پەن كوڭىل-كۇي ورنادى. قالا نىشانى – قار بارىستارى قوناقتاردى قارسى الىپ، قۇشاقتاپ، سۋرەتكە ءتۇسىپ، بارىنە كوتەرىڭكى كوڭىل سىيلاپ ءجۇر. ولاردىڭ جانىندا باسقا دا ماسكوتتار ەڭبەك ەتىپ، ال كوشە ارتيستەرى جونگلەرلىك ونەر كورسەتىپ، قالجىڭ ايتىپ، اۋەن وربىتۋدە. ستاديون الدىنداعى الاڭ ءبىر ساتتە-اق جارقىن بوياۋلارعا بولەنگەن، ءار ادام ءوزىن ۇلكەن دۋماننىڭ ءبىر بولشەگىندەي سەزىنەتىن جاندى ساحناعا اينالدى.
ستاديون كىرەبەرىستەرىندە كۇلكى ەستىلىپ، كوشە مۋزىكاسى ويناپ تۇر. ءتۇرلى قالا مەن ەلدەردەن كەلگەن كورەرمەندەر بىر-بىرىمەن تانىسىپ جاتىر. كوپشىلىگى ەستەلىككە سۋرەتكە تۇسسە، كەيبىرى ونەرپازداردىڭ يمپروۆيزاسيالانعان قويىلىمدارىنا بي بيلەپ، بالالار ماسكوتتارعا قۋانا جۇگىرىپ، قۇشاقتاپ ءجۇر. بارشا ورتا شۋاققا، قيمىلعا، الداعى ۇلكەن ءساتتى تاعاتسىز كۇتىپ ءجۇر.
الماتىداعى دجەننيفەر لوپەستىڭ كونسەرتى — Up All Night اتتى الەمدىك تۋردىڭ ءبىر بولىگى، ول قازاقستاندىق جانكۇيەرلەردىڭ وتىنىشىمەن قوسىلعان. بۇل كەشكە اقش پەن گەرمانيادان باستاپ، ءباا مەن تمد ەلدەرىنە دەيىنگى ونداعان ەلدەن قوناقتار جينالدى. شوۋ الماتىنىڭ الەمدىك مۋزىكا يندۋسترياسىنىڭ جاڭا ورتالىعى رەتىندەگى مارتەبەسىن نىعايتاتىن مادەني بەلەس بولماق.
بۇگىن ورتالىق ستاديوندا 20 000-نان استام كورەرمەن جينالماق. بۇعان قوسا ونلاين تاماشالاۋشىلار مەن تىكەلەي ەفير كورەرمەندەرى بار. العاشقى اۋەن شىرقالماي جاتىپ-اق، بۇل كەشتىڭ ۇزاق جىلدار بويى ەستە قالاتىنى انىق.