بۇدان بىلاي الماتىدان بىشكەككە ەلەكتر اۆتوبۋستارىمەن بارۋعا بولادى.
كولىك جانە ينفراقۇرىلىمدى دامىتۋ جونىندەگى قىرعىز-قازاق جۇمىس توبىنىڭ ەكىنشى وتىرىسى وتكەن. وندا الماتى-ىستىقكول بالامالى جولىنىڭ قۇرىلىسى بويىنشا جوبانىڭ اعىمداعى مارتەبەسى قارالعان، دەپ حابارلايدى Almaty-akshamy.kz.
اتالعان باعىت بويىنشا ەلەكتر اۆتوبۋستارىن پايدالانا وتىرىپ، تۇراقتى جولاۋشىلار تاسىمالىن ىسكە قوسۋدى ۇسىنعان.
ەلەكتر اۆتوبۋستارى ىستىقكولگە تۋريستەر اعىنىن ەداۋىر ارتتىراتىنى ايتىلدى. الماتىلىقتار ءۇشىن ىستىقكول ساپارى دەمالىس كۇنىنىڭ باعىتى بولۋى مۇمكىن.