الماتى مەن شىمكەنتتە كۇي بايقاۋى وتەدى

اقسەلەۋ سەيدىمبەكتىڭ 80 جىلدىعىنا وراي رەسپۋبليكالىق دەڭگەيدە ايتىس جانە كۇي بايقاۋىن وتكىزۋ جوسپارلانىپ وتىر

بۇل تۋرالى ق ر ۇكىمەتىندە پرەمەر-مينيستردىڭ ورىنباسارى ەرالى توعجانوۆتىڭ توراعالىعىمەن اقسەلەۋ سلان ۇلى سەيدىمبەكتىڭ 80 جىلدىق مەرەيتويىن اتاپ ءوتۋ بويىنشا اتقارىلىپ جاتقان جۇمىستار جونىندەگى باسقاسۋدان ءمالىم بولدى، دەپ حابارلايدى اlmaty-akshamy.kz.

ق ر ۇكىمەتى جانىنداعى قازاقستاندا كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ Telegram كانالىنداعى اقپاراتتارعا قاراعاندا، مەرەيتويلىق شارالار اياسىندا وڭىرلەردە عالىم ەسىمىن ەستە قالدىرۋ، شىعارماشىلىعىن وسكەلەڭ ۇرپاققا ناسيحاتتاۋ ماقساتىندا كونفەرەنسيالار، كىتاپ كورمەلەرى، عىلىمي جوبالار سايىسى، ادەبي كەش سياقتى ءىس-شارالار جىل باسىنان باستاۋ الىپ، جەلتوقسان ايىنىڭ سوڭىنا دەيىن جالعاسادى.

اقسەلەۋ سەيدىمبەك ەتنوگراف، جازۋشى، سانالى عۇمىرىن قازاقتىڭ اۋىزەكى تاريحىن، حالقىمىزدىڭ ونەگەلى سالتى مەن شەجىرەسىن زەرتتەۋگە ارناعان تۇلعا رەتىندە بەلگىلى.

وسى رەتتە پرەمەر-مينيستردىڭ ورىنباسارى ەرالى توعجانوۆ مەملەكەتتىك ورگاندارعا ءبىرتۋار تۇلعانىڭ مۇراسىن وسكەلەڭ ۇرپاقتى تاربيەلەۋ ىسىندە كەڭىنەن پايدالانۋعا باستى نازار اۋدارۋدى تاپسىردى.

سونداي-اق، جينالىس قورىتىندىسى بويىنشا رەسپۋبليكالىق دەڭگەيدەگى ءىس شارلاردى كۇشەيتۋ تۋرالى تاپسىرمالار بەرىلدى.

«وسى باعىتتا الماتى، شىمكەنت قالالارىنىڭ رەسپۋبليكالىق دەڭگەيدە كۇي بايقاۋىن، ايتىس وتكىزۋ جونىندەگى ناقتى ۇسىنىستارى قولداۋ تاپتى»، - دەلىنگەن حابارلامادا.