قوزعالىس ارالىعى 13-15 مينۋت.
الماتى مەن قاسكەلەڭ اراسىندا جاڭا №230 اۆتوبۋس جۇرە باستادى، دەپ حابارلايدى اlmaty-akshamy.kz.
ەندى جاقىن ماڭداعى ەلدى مەكەندەردىڭ تۇرعىندارى وڭتۇستىك مەگاپوليسكە قوعامدىق كولىكپەن قاتىنايتىن بولادى. قوزعالىس ارالىعى 13-15 مينۋت. بۇل باعىتتاعى اۆتوبۋستار "اقساي-1" ىقشاماۋدانىنداعى ايالدامادان قوزعالا باستايدى، ودان ءارى تولە بي كوشەسىمەن مومىشۇلىنا قاراي جۇرەدى، ودان كەيىن رايىمبەك داڭعىلىنا بۇرىلادى.
رايىمبەك داڭعىلىنىڭ بويىمەن الماتى-بىشكەك تاس جولىنا ءتۇسىپ، مارشرۋت قاسكەلەڭگە بۇرىلعانعا دەيىن جۇرەدى. وندا ابىلاي حان كوشەسىنىڭ بويىنداعى اۆتوبۋستار قالادان شىعا بەرىستەگى اينالما جولعا جەتەدى. بۇرىلىستان كەيىن باعىت قاراساي باتىر كوشەسىنىڭ بويىمەن قارسى باعىتتا جۇرەدى.
مارشرۋت تاڭعى 6-دا باستالىپ، 23.00-دە اياقتالادى. ەكى باعىتتا دا اۆتوبۋس 50 شاقىرىمعا جۋىق جول جۇرەدى.
ايتا كەتەيىك، وڭىردەگى قوعامدىق كولىك ماسەلەسىن رەتتەۋدى پرەزيدەنت بىلتىر وبلىسقا جاساعان جۇمىس ساپارىندا تاپسىرعان ەدى.