پويىزدا 235 جولاۋشى بولعان.
الماتىعا بارا جاتقان جولاۋشىلار پويىزىنان ءورت شىعىپ، جول بويىندا توقتاۋعا تۋرا كەلگەن، دەپ حابارلايدى اlmaty-akshamy.kz «قازاقستان تەمىر جولى» ۇك باسپا ءسوز قىزمەتىنە سىلتەمە جاساپ.
«2023 جىلعى 3 اقپان ساعات 21:57-دە قاراعاندى وبلىسىنىڭ «ارشالى – انار» تەمىرجول ۋچاسكەسىندە قۇرامنىڭ سوڭىنداعى تەحنيكالىق ۆاگوننان ءورت شىقتى. سالدارىنان №105/106 «پەتروپاۆل – الماتى» پويىزىنىڭ قوزعالىسى توقتاتىلدى. پويىزدا 235 جولاۋشى بولعان»، – دەلىنگەن رەسمي اقپاراتتا.
قازىرگى ۋاقىتتا ءورت ءسوندىرىلدى جانە قۇربان بولعاندار نەمەسە زارداپ شەككەندەر جوق.
«جولاۋشىلاردى الماتىعا جەتكىزۋ ءۇشىن استانادان جەتى كۋپەلى جانە ءبىر پلاسكارت ۆاگوننان تۇراتىن پويىز جىبەرىلدى»، - دەيدى ۆەدومستۆودان.
ارنايى كوميسسياسى وقيعانىڭ جاي-جاپسارىن انىقتاۋعا كىرىستى.
«جولاۋشىلارعا جۇك جانە تەمىرجولمەن پوشتا جونەلتىلىمدەرىن تاسىمالداۋ قاعيدالارىنا سايكەس، جول ءجۇرۋ قۇنىنىڭ ايىرماسى تولەنەدى»، - دەيدى ۇلتتىق كومپانيانىڭ باسپا ءسوز قىزمەتىنەن.